രാവണമാഹാത്മ്യം

വിശ്രവസ് അതായത് പുലസ്ത്യന്റെ മകൻ, പോരാ ബ്രഹ്മാവിന്റെ കൊച്ചു മകനു കൈകസിയിൽ ഉണ്ടായ പുത്രൻ - അയ്യൊ പാവം - ബ്രാഹ്മണന്മാർ അടിച്ചിരുത്തിയ കീഴാളവർഗ്ഗം അല്ലെ?

അല്ല സാക്ഷാൽ ബ്രഹ്മാവിന്റെ കൊച്ചുമകൻ.

ചെറുപ്പത്തിൽ തന്നെ അമ്മ നല്ല ഉപദേശം കൊടൂത്തു. അമ്മമാർ ആയാൽ ഇങ്ങനെ വേണം. രാവണന്റെ തന്നെ സഹോദരനായിട്ടു വരും കുബേരൻ. അമ്മ രണ്ടാണെങ്കിലും അഛൻ ഒന്ന് തന്നെ. കുബേരൻ പുഷ്പകവിമാനവും ഒക്കെ അടിച്ചു മാറ്റി ലങ്കയിൽ ഭരണം നടത്തുന്നു.

അവനെപോലെ ആകണം അല്ലെങ്കിൽ അവനെക്കാൾ വലിയവൻ ആകണം അതായിരുന്നു അമ്മയുടെ ഉപദേശം. പോയി തപസ്സു ചെയ്ത് വലിയവൻ ആക്‌

മകൻ അനുസരണം ഉള്ളവനാണല്ലൊ

ഉടൻ പോയി. 10000 കൊല്ലം തപസു ചെയ്തു.

അപ്പൂപ്പൻ പ്രത്യക്ഷപ്പെട്ടു

എന്ത് വരം വേണം?

മനുഷ്യനിൽ നിന്നല്ലാതെ എനിക്ക് മരണം ഉണ്ടാകരുത്‌

ഓ ആയ്ക്കോട്ടെ. അപ്പൂപ്പൻ വരം കൊടുത്തു

വരം കിട്ടിയ രാവണൻ എത്ര നല്ലവൻ ആയി എന്നറിയണ്ടേ?

പെട്ടെന്ന് തന്നെ വന്ന് ചേട്ടനെ കൂടോടെ പൊക്കി ലങ്കയിൽ നിന്ന് ഓടിച്ചു. പുഷ്പകവിമാനവും സ്വന്തമാക്കി ലങ്കാധിപൻ ആയി. എത്ര നല്ല മനുഷ്യൻ

അതു തന്നെ അല്ലെ വേണ്ടത്?

ചേട്ടനല്ല അഛനായാലും ഓടിക്കണം.

മയന്റെ മകളായ മണ്ഡോദരിയെ കല്യാണം കഴിച്ച് അവർക്ക് മേഘനാദൻ, അതികായൻ, അക്ഷകുമാരൻ എന്ന മൂന്നു മക്കളും ഉണ്ടായി.

രാവണൻ ഇത്ര മഹാനായത് കൊണ്ട് പാതാളവാസികൾ ആയ രാക്ഷസന്മാർ എല്ലാം കൂട്ടത്തോടെ ലങ്കയിൽ വന്നു താമസം ആക്കി

കേരളത്തിൽ ബംഗ്ലാദേശികൾ വന്ന് താമസം ആക്കിയതു പോലെ എന്നൊന്നും ആരും പറഞ്ഞു കളയല്ലെ.

പിന്നെ ഒരു നിരത്താണ്‌. ദേവലോകത്ത് പോയി യുദ്ധം ചെയ്തു. മേഘനാദന്‌ മായായുദ്ധം അറിയാമായിരുന്നതു കൊണ്ട് അന്ന് തടി കഴിച്ചിലായി.

പിന്നീടു ചെയ്ത സല്ക്കർമ്മങ്ങൾ പറഞ്ഞാൽ തീരില്ല

നമുക്കറിയാമല്ലൊ സീതയെ അപഹരിച്ചിട്ടു ഒന്നു സ്പർശിക്കുക പോലും ചെയ്യാത്ത മഹാൻ ആയിരുന്നില്ലെ?

അത്രയും മാഹാത്മ്യം എങ്ങനെ ആണു കിട്ടിയത് എന്നറിയണ്ടേ?

കുശധ്വജന്റെ മകൾ വേദവതി, വിഷ്ണു തന്റെ ഭർത്താവായി വരണം എന്നു വിചാരിച്ച് തപസ്സനുഷ്ടിക്കുന്ന സമയത്ത് അവളെ ബലാസംഗം ചെയ്തു. അവൾ മൊത്തം ശപിച്ചിട്ട് ആത്മഹത്യ ചെയ്തു.

എന്ത് നല്ല രാവണൻ അല്ലെ?

ചേട്ടനായ കുബേരന്റെ മകൻ നളകൂബരന്റെ ഭാര്യ രംഭ ഒരിക്കൽ നൃത്തം ചെയ്യുന്നത് കണ്ട് അവളെ പിടിച്ച് ഒരു രാത്രി അങ്ങ് ആഘോഷിച്ചു. അവൾ പറഞ്ഞു നോക്കി ഞാൻ നിങ്ങളുടെ ചേട്ടന്റെ മകന്റെ ഭാര്യ അല്ലെ അതായത് ങ്ങ്ങ്ങളുടെ മകൾക്ക് തുല്യ അല്ലെ എന്നൊക്കെ

പക്ഷെ മഹാന്മാർക്ക് എല്ലാരും ഒരു പോലെ ആണല്ലൊ അല്ലെ

കവി എഴുതിയിരിക്കുന്നത് എല്ലാം കഴിഞ്ഞു വിടൂമ്പോൾ ആന ചവിട്ടിക്കലക്കിയ താമരക്കുളം പോലെ ആയി രംഭ എന്നാണ്‌

എത്ര മഹാൻ അല്ലെ?

ഇവൾ പോയി ഭർത്താവിനോടു കാര്യം പറഞ്ഞു. അന്ന് നളകൂബരൻ - അവളുടെ ഭർത്താവ്‌ ഒരു ശാപം കൊടുത്തു - ഇനി നീ ഏതെങ്കിലും പെണ്ണിനെ അവളുടെ സമ്മതം ഇല്ലാതെ തൊട്ടാൽ നിന്റെ തല ആയിരം കഷണങ്ങൾ ആയി പൊട്ടിപ്പോകും എന്ന്

അതോടു കൂടീ ആണു രാവണൻ സീതയെ തൊടാത്ത മഹാൻ ആയത്.

അഷ്ടാവക്രൻ എന്ന മുനിയെ ഒരു തൊഴി കൊടുത്തിട്ട് പറഞ്ഞു ഞാൻ ദാ നിന്റെ എട്ടു കൂനും ഇപ്പൊ ശരി ആക്കി തരാം - കുതിരവട്ടം പപ്പു വിനെ ഓർമ്മ വന്നൊ?

ഹൊ ഇത്രയും സ്നേഹം ഒക്കെ ആർക്കുണ്ടാകും അല്ലെ?

ചുമ്മാ ഒരു സഹായം

ദ്വൈപായനന്റെ സഹോദരിയെ പീഡിപ്പിച്ച് അവളുടെ ചുണ്ടു കടിച്ചു പറിച്ചതൊക്കെ വെറും സ്നേഹം കൊണ്ടു മാത്രം

പാവം

പിന്നെ മണ്ഡോദരിയും ആയി പോകുന്ന വഴിക്കു കണ്ട മാണ്ഡവ്യമഹർഷിയെ ഒന്നു കൈകാര്യം ചെയ്തില്ലെങ്കിൽ നാട്ടുകാർ എന്തു വിചാരിക്കും
അതു കൊണ്ടു മാത്രം അല്ലാതെ നാട്ടുകാർ പറയുന്നതു പോലെ ദുഷ്ടനായത് കൊണ്ടൊന്നും അല്ല

പിന്നെ അത്രി മഹർഷിയുടെ ഭാര്യയെ തലമുടിക്കു പിടിച്ചു വലിച്ചിഴച്ചത്

ഛെ ഇതൊക്കെ ചീളു കേസ്. ഇതൊക്കെ ഇത്ര പറയാനുണ്ടൊ?

മരുത്തമലയിൽ തപസു ചെയ്തിരുന്ന ഋതുവർമ്മന്റെ ഭാര്യയെ ബലാൽസംഗം ചെയ്തത് വെറും അനുകമ്പ കൊണ്ടല്ലെ
ഭർത്താവു തപസു ചെയ്യുമ്പോൾ അവർക്ക് അതിനു കുറവു വല്ലതും ഉണ്ടോന്നാർക്കറിയാം? ഇത്രയും സഹായങ്ങൾ ചെയ്യുന്ന ഒരുത്തൻ ഇതിനു മുൻപ് ആരെങ്കിലും കണ്ടിട്ടുണ്ടൊ?

മൗദ്ഗല്യമഹർഷി യോഗദണ്ഡിൽ തപസ്സു ചെയ്തു കൊണ്ടിരുന്നപ്പോൾ ആ യോഗദണ്ടു മുറിച്ച് അങ്ങോർ നടു തല്ലി വീണ്‌ നടൂ ഒടിഞ്ഞത് കാണുന്ന രസം നിങ്ങൾക്കൊന്നും പറഞ്ഞാൽ മനസിലാവില്ല. അരസികന്മാർ, എന്നിട്ട് എന്നെ കുറ്റം പറയുന്നു

സൂര്യവംശത്തിലെ അനാരണ്യരാജാവ് അഭയം ചോദിച്ചെത്തിയപ്പോൾ ഒറ്റയടിക്ക് അവന്റെ കഥ കഴിച്ചത് അവനൊക്കെ വെറും ചീളു കേസാണെന്ന് കാണീക്കാനല്ലെ അല്ലാതെ അഭയം ചോദിച്ചു വന്നവനെ കൈവിടരുത് എന്നറിയാഞ്ഞിട്ടൊന്നും അല്ല

ഇങ്ങനെ എഴുതിപ്പോയാൽ ഒരു രാവണായനം എഴുതേണ്ടി വരും ഏതായാലും ഇത്ര കൊണ്ടു തന്നെ മനസിലായില്ലെ രാവണൻ ഒരു മഹാ മഹാൻ ആണെന്നും രാമൻ ആണു തെറ്റുകാരൻ എന്നും?

പ്രമേഹം ഒരു അടിസ്ഥാനചിന്ത

പ്രമേഹത്തിനെ കുറിച്ച് പ്രമേഹരോഗികൾ എങ്കിലും അത്യാവശ്യം അറീഞ്ഞിരിക്കേണ്ട ചില കാര്യങ്ങൾ അരീയ്യാത്തത് കൊണ്ടാണ്‌  മേല്പറഞ്ഞ തരത്തിലുള്ള തർക്കങ്ങൾ വരുന്നത്.

അത് കൊണ്ട് അത് അല്പം പറയാം

1. പ്രമേഹത്തിന്റെ മധുമേഹം എന്ന അവസ്ഥയിൽ എത്തിയാൽ അത് ചികിൽസിച്ച് ഭേദപ്പെടുത്തുവാൻ സാധിക്കില്ല എന്നാണ്‌ ആയുർവേദാചാര്യന്മാർ ഗ്രന്ഥങ്ങളിൽ പറഞ്ഞിരിക്കുന്നത്.

അതിനെ മരുന്നു കൊണ്ടും പഥ്യം കൊണ്ടും നിയന്ത്രിച്ചു നിർത്താൻ മാത്രമേ സാധിക്കൂ.

(ഇനി ആയുർവേദത്തിന്റെ ആചാര്യന്മാരെ ക്കാൾ കൂടൂതൽ അറിവുള്ള ആരെങ്കിലും ഉണ്ടെങ്കിൽ അവരുടെ ആര്യം എനിക്കറിയില്ല ട്ടൊ, അവർ ചിലപ്പോൾ ഭേദപ്പെടുത്തുമായിരിക്കും)

എന്താണു പ്രമേഹം എന്ന് നോക്കാം

മനുഷ്യശരീരത്തിന്‌  പ്രവർത്തനത്തിനുള്ള ഊർജ്ജം ലഭിക്കുന്നത് പധാനമായി  പഞ്ചസാരയിൽ നിന്നാണ്‌.

നാം കഴിക്കുന്ന ആഹാരത്തിൽ നിന്നും പഞ്ചസാര ആണ്‌ ഏറ്റവും കൂടൂതൽ ആഗിരണം ചെയ്തെടുക്കുന്നത്.

ഈ ആഗിരണം ചെയ്യപ്പെടുന്ന പചസാര രക്തത്തിലേക്കാണ്‌ ആദ്യം കലരുന്നത്.

ഒരു മനുഷ്യശരീരത്തിൽ ഏകദേശം  5 ലിറ്റർ രക്തം ആണുണ്ടാവുക (അല്പസ്വല്പം വ്യത്യാസം കണ്ടേക്കാം)

രക്തത്തിൽ ആകെ നിലനിർത്താവുന്ന പഞ്ചസാരയ്ക്ക് ഒരു അളവുണ്ട്

ആ അളവിൽ  കൂടൂതൽ ആയാൽ രക്തത്തിന്റെ Viscosity  കൂടൂം സാന്ദ്രത അല്ലെങ്കിൽ കൊഴുപ്പ് എന്നൊക്കെ മായാളത്തിൽ പറയാം എന്ന് തോന്നുന്നു

അങ്ങനെ ആയാൽ രക്തത്തിനു സുഖമായി ഒഴുകുവാൻ സാധിക്കില്ല എന്നറിയാമല്ലൊ. അത് മാത്രം അല്ല മറ്റു കുഴപ്പങ്ങളും ഉണ്ട്.

അതിനാൽ ശരീരം സ്വയം അതിനെ നിയന്ത്രിക്കും.

പഞ്ചസാരയെ ശരീരത്തിന്റെ മറ്റു ഭാഗങ്ങളിൽ സൂക്ഷിക്കും, മാസത്തിലും കരളിലും ഒക്കെ ആയി Glycogen എന്ന തരത്തിലുള്ള  വസ്തു ആക്കി വയ്ക്കും

അവിടെയും സൂക്ഷിക്കാൻ പറ്റുന്ന അളവിന്‌ ഒരു ലിമിറ്റ് ഉണ്ട്.   അതും കഴിഞ്ഞാലൊ?

പഞ്ചസാരയെ തന്നെ കൊഴുപ്പ്- മേദസ് fat ആക്കി  സൂക്ഷിക്കും ഇതൊക്കെ പിന്നീട് ആവശ്യം  വരുമ്പോൾ ഉപയോഗിക്കുവാൻ വേണ്ടീ ആണ്‌.

ഈ പ്രവൃത്തി ചെയ്യുന്നത് Insulin  ആണ്‌.

Insulin ഇല്ലെങ്കിൽ ഇവ ഒന്നും നടക്കുകയില്ല.

രക്തത്തിൽ പഞ്ചസാരയുടെ അളവു കൂടൂന്നതനുസരിച്ച് ഇൻസുലിൻ കൂടൂതൽ ഉണ്ടാക്കുവാനും, യാതൊരു കാരണവശാലും രക്തത്തിലെ പഞ്ചസാരയുടേ അളവ്‌ 180 ml/dl ഇൽ കൂടാതെ നോക്കുവാനും ഒരു ആരോഗ്യം ഉള്ള ശരീരത്തിനു സാധിക്കും. അഥവാ 180 ൽ കൂടീയാൽ വൃക്കകൾ അതിനെ അരിച്ച് മൂത്രത്തിൽ കൂടീ പുറം തള്ളും.

അങ്ങനൊരു അവസ്ഥയിൽ ആണ്‌ ശരീരം ദാഹം ഉണ്ടാക്കുന്നതും വെള്ളം കുടീക്കാൻ നിർബ്ബന്ധിക്കുന്നതും - കൂടൂതൽ മൂത്രം പോക്കുമ്പോൾ ആവശ്യത്തിൽ കൂടൂതൽ ഉള്ള പഞ്ചസാര പുറത്ത് പോകും.  ഇത് ആരോഗ്യമുള്ള ശരീരത്തിൽ നടന്നാൽ കുഴപ്പം ഇല്ല.. അതായത് പ്രമേഹം കൊണ്ടല്ലാതെ മറ്റു കാരണങ്ങൾ കൊണ്ട് ഉണ്ടാകുന്ന പഞ്ചസാരയുടെ അളവു വർദ്ധനയിൽ കുഴപ്പം ഇല്ല എന്ന് അർഥം

Insulin ന്റെ അളവ് ആവശ്യത്തിനില്ല  എങ്കിൽ പഞ്ചസാര കൊണ്ട് ശരീരത്തിനു യാതൊന്നും ചെയ്യുവാൻ സാധിക്കില്ല.

രക്തത്തിൽ ഉള്ള പഞ്ചസാരയെ ഊർജ്ജാവശ്യങ്ങൾക്ക് ഉപയോഗിക്കണം എങ്കിൽ അത് കോശങ്ങൾക്കുള്ളീൽ പ്രവേശിക്കണം, എങ്കിലെ പ്രവർത്തനം നടക്കൂ

അങ്ങനെ കോശത്തിനുള്ളീലേക്ക് പഞ്ചസാര കടക്കണം എങ്കിൽ ഇൻസുലിൻ വേണം - കോശത്തിന്റെ വാതിൽ തുറക്കുന്നത് ഇൻസുലിൻ പറഞ്ഞാലെ ഉള്ളു എന്നർഥം

അതായത് രക്തത്തിൽ എത്ര പഞ്ചസാര ഉണെങ്കിലും, ഇൻസുലിൻ ഇല്ല എങ്കിൽ  കോശങ്ങൾ പഞ്ചസാരയുടെ കുറവാണെന്ന് തെറ്റിദ്ധരിക്കുകയും  അതിനുള്ള signal കൊടുക്കുകയും ചെയ്യും -

ഫലമോ?

പഞ്ചസാര കുറയ്ക്കാനുള്ള നടപടികൾ  ശരീരം നടത്തുകയില്ല, പകരം അതിനെതിരായ - അതായത് പഞ്ചസാര കൂട്ടാനുള്ള നടപടികൾ നടത്തുകയും ചെയ്യും.

ഇവിടെ ആണ്‌ പ്രമേഹരോഗം അപകടകാരി ആകുന്നത്.

അതിനു വെള്ളം കുടീച്ചാൽ മാത്രം പോരാ എന്ന് മനസ്സിലായിക്കാണും എന്ന് വിചാരിക്കുന്നു

കൂടൂതൽ പറയണം എങ്കിൽ കൂടൂതൽ പറയാം  ഒരു വിരോധവും ഇല്ല. കാര്യം മനസിലാക്കി തരാനും ആരെങ്കിലും വേണമല്ലൊ
 

പ്രമേഹം contd

പ്രമേഹത്തിനെ കുറിച്ച് ആദ്യത്തെ പോസ്റ്റ് കണ്ടിരിക്കുമല്ലൊ ഇല്ലെ?

ഇനി അല്പം കൂടി നോക്കാം

നമ്മുടെ ശരീരത്തിന്റെ ആരോഗ്യകരമായ പ്രവർത്തനത്തിനു ഒരു ദിവസത്തേക്ക് എത്ര ഊർജ്ജം വേണമോ അത്രയും കലോറി ആയിട്ടാണു കണക്കു കൂട്ടുന്നത്.

വേണ്ട അത്ര കലോറി മാത്രം അകത്തേക്കെടുക്കുന്നു എങ്കിൽ അതു മുഴുവൻ ഉപയോഗപ്പെടുന്നു എന്നർത്ഥം

അതിൽ കൂടുതൽ കഴിക്കുന്നു, ചെലവു കുറവ് എങ്കിൽ അധികമുള്ള ഊർജ്ജം കൊഴുപ്പ് ആയി ശേഖരിക്കപ്പെടും, തൂക്കം കൂടും

ഒരു ഓഫീസിൽ ഇരുന്നു പണീ ചെയ്യുന്ന ആൾക്ക് ഏകദേശം 1500-1700 കലോറി ആണ് ഒരു ദിവസത്തേക്ക് ആവശ്യം വരിക

അദ്ധ്വാനത്തിന്റെ തോതനുസരിച്ച് - കഠിനാധ്വാനി - മരം വെട്ട് , ലോഡിംഗ് തുടങ്ങിയവ ചെയ്യുന്നവർക്ക് 3500- 4000 വരെ വേണ്ടി വരും.

ആഹാരസാധനങ്ങളിൽ Carbohydrates, Proteins, Fats എന്നിവ ഉണ്ട് . അതിൽ ഫാറ്റ് അഥവാ എണ്ണ കൊഴുപ്പ് ഇവ ഒരു ഗ്രാം കഴിച്ചാൽ അത് 9 കലോറി ഊർജ്ജം തരും മറ്റുള്ളവ ഒരു ഗ്രാം 4 കലോറി തരും.

പച്ചക്കറികൾ, ഇലക്കറികൾ തുടങ്ങിയവയിൽ കലോറി ഇല്ല എന്ന് കരുതാം.

ആഹാരത്തിൽ 60% Carbohydrates (അരി, ഗൊതമ്പ്, കിഴങ്ങ്, മധുരവസ്തുക്കൾ പഴങ്ങൾ )
30% Proteins മൽസ്യം, മാംസം, പയറുവർഗ്ഗങ്ങൾ, പാൽ മുട്ടയുടെ വെള്ള

10% കൊഴുപ്പ്

ഈ അനുപാതത്തിൽ ആകുന്നത് നല്ലത്.

ഇനി പ്രമേഹരോഗം ഉള്ളവർ ആഹാരം ക്രമീകരിക്കേണ്ട രീതി പറയാം

നേരത്തെ പറഞ്ഞല്ലൊ Pancreas ന് insulin ഉണ്ടാക്കാനുള്ള കഴിവ് ഉണ്ട്, പക്ഷെ പെട്ടെന്നുണ്ടാകുന്ന sugar വർദ്ധനവിനെ പെട്ടെന്നു കുറയ്ക്കാൻ പറ്റുന്നില്ല എന്നെ ഉള്ളു എന്ന്.

അതു കൊണ്ട് പഞ്ചസാരയുടെ അളവു പെട്ടെന്ന് കൂടാതിരിക്കാനുള്ള വഴികൾ സ്വീകരിക്കുക

1. ആഹാരത്തിൽ Glycemic Index കൂടുതലുള്ള അരി കിഴങ്ങ് ഇവയുടെ അളവു കുറയ്ക്കുക, അവയോടൊപ്പം പയർവർഗ്ഗങ്ങൾ പച്ചക്കറികൾ ഇവ കൂട്ടി ചേർക്കുക.

അപ്പോൾ ആഗിരണത്തിന്റെ വേഗത കുറയും. എന്നാലും ആഹാരം ആകെ മൂന്നു തവണ ആയിട്ടാണു കഴിക്കുന്നത് എങ്കിൽ ആകെ വേണ്ട കലോറി ലഭിക്കുവാൻ കഴിക്കുന്ന അളവ് വച്ച് രക്തത്തിലെ പഞ്ചസാര കൂടൂം ഇല്ലെ?

അത് കൊണ്ട്
2. ആഹാരത്തിന്റെ എണ്ണം കൂട്ടുക.

കുറഞ്ഞ അളവിൽ കൂടുതൽ തവണകളായി കഴിക്കുക. അപ്പോൾ എത്ര വലിച്ചെടുത്താലും ഒരു പരിധിക്കുള്ളീൽ നില്ക്കും ഇല്ലെ?

അതായത് മൂന്നു നേരത്തിനു പകരം അഞ്ചു തവണ ആക്കുക

മൂന്നു ചപ്പാത്തി ഒന്നിച്ച് കഴിക്കുന്നതിനു പകരം 1.5 ചപ്പാത്തി രണ്ടു തവണ കഴിക്കുക (ഒരു ഉദാഹരണം മാത്രം)

3.5 - 4 മണിക്കൂർ ഇടവിട്ടു മാത്രം ആഹാരം കഴിക്കുക

ഇങ്ങനെ ചെയ്താൽ pancreas ലുള്ള ലോഡ് കുറയും.

3. കൃത്രിമമായ ആഹാരപദാർഥങ്ങൾ കഴിവതും ഒഴിവാക്കുക. Bakery Items, മധുരപലഹാരങ്ങൾ ഇവ.

4. ഇനി ഏത് ആഹാരപദാർഥവും കഴിക്കാൻ പറ്റും. ഒരു കാര്യം മാത്രം ശ്രദ്ധിക്കുക - ഒരു ദിവസം ആകെ വേണ്ട കലോറിയിൽ കൂടരുത്.
അതായത് പായസം ഒരു ഗ്ലാസ് കുടിക്കണം എന്ന് തോന്നുന്നു എങ്കിൽ കുടിക്കാം, പക്ഷെ അതിൽ നിന്നു കിട്ടുന്ന ഊർജ്ജം എത്രയാണോ അത്രയും തരുന്ന മറ്റു ഭക്ഷണങ്ങൾ അന്നത്തേക്ക് ഒഴിവാക്കുക.

നാവിൽ കൂടീ ആണ് അപകടം വരുന്നത് എന്നു പണ്ടൂള്ളവർ പറയും

ശരിയാണ്

വേണ്ടാത്ത വർത്തമാനം പറഞ്ഞ് തല്ലു വാങ്ങുന്നതും, രുചിയുടെ പിന്നാലെ പോയി അസുഖം വരുത്തി വയ്ക്കുന്നതും നമ്മുടെ മുന്നിലെ പാഠങ്ങൾ ആണല്ലൊ

അതു കൊണ്ട് പ്രമേഹം നിയന്ത്രിക്കണം എന്നുള്ളവർ ആഹാരത്തിൽ ശ്രദ്ധിച്ചേ പറ്റൂ.

ഒരു ലളിതമായ രീതി പറയാം

രണ്ടു നുള്ള് പച്ച അവിൽ.
രണ്ട് ബദാം പരിപ്പ്
രണ്ട് കശു അണ്ടി പരിപ്പ്
ഒരു ചെറിയ ആപ്പിൾ
മാതളനാരങ്ങ ഒരെണ്ണത്തിന്റെ പകുതി
----

ഒരു കട്ടോരിയിൽ
കടല, ചെറുപയർ ഇവ മുളപ്പിച്ചത് ഒരു പിടി
കാരറ്റ് നാൽ ഇഞ്ച് നീളം മുറിച്ചു കഷണങ്ങൾ ആക്കിയത്
ചെറിയ വെള്ളരിയും അത്ര അളവിൽ
സവാള ഉള്ളി ഒരു പകുതി
പച്ചമുളക് ചെറിയത് ഒരെണ്ണം നുറുക്കിയത്

ഇത്രയും ഇട്ട് അതിലേക്ക് ഒരു പകുതി ചെറുനാരങ്ങ നീരു പിഴിഞ്ഞൊഴിക്കുക

കാലത്ത് നിങ്ങൾ കഴിക്കുന്ന സാധാരണ Breakfast നു പകരം ഇതൊന്നു കഴിച്ചു നോക്കുക

sugar level ഇടയ്ക്ക് ചെക്ക് ചെയ്യുക. അധികം ആണെങ്കിൽ ഇവയുടെ അളവു കുറച്ച് രണ്ടോ മൂന്നൊ തവണയായി ഇടക്കു - രണ്ടര മൂന്നു മണിക്കൂർ ഈടവിട്ട്- കഴിക്കുക, കുറവാണെങ്കിൽ കൂട്ടുക.

സുഖമായി sugar Control ചെയ്യാൻ സാധിക്കും.

പ്രമേഹം

പ്രമേഹം
വളരെ അധികം ആളുകൾ ഭയപ്പെടുന്ന ഒരു അസുഖം തന്നെ സംശയം ഇല്ല.
വളരെ അധികം ആളുകൾ പലതരം ചികി ൽസകളിൽ പെട്ട് വലയുന്ന രോഗം
അതിലും സംശയം ഇല്ല
പരസ്യം വഴി കുടുങ്ങുന്ന ധാരാളം പാവങ്ങൾ
അതിനും സംശയം ഇല്ല
എന്നാൽ ഞാൻ ചില കാര്യങ്ങൾ പറഞ്ഞു തരാം.
ശ്രദ്ധയോടു കൂടി വായിക്കുക

Insulin dependant diabetes - ചെറുപ്പത്തിൽ തന്നെ ഉണ്ടാകുന്നതാണ് അതിനു insulin തന്നെ ചികിൽസ ഠ് ഡോക്റ്ററുടെ ഉപദേശപ്രകാരം ചെയ്യുക പരസ്യക്കാരുടെ പിന്നാലെ പോയി ജീവിതം തുലയ്ക്കരുത്

Niddm Non-Insulin Dependant diabetes

അതാണ് നമുക്ക് ജീവിതക്രമം കൊണ്ട് നിയന്ത്രിക്കാവുന്നത്

അതിലേക്കു കടക്കുന്ന തിനു മുൻപ് പ്രമേഹത്തെ കുറിച്ച് ഒരല്പം.

നമ്മുടെ ശരീരത്തിലെ എല്ലാ പ്രവർത്തനങ്ങൾക്കും ഊർജ്ജം വേണം

ആ ഊർജ്ജം ലഭിക്കുന്നത് പ്രധാനമായും പഞ്ചസാര sugar ഇൽ നിന്നാണ്.

നാം കഴിക്കുന്ന ആഹാരത്തിൽ നിന്നും ഗ്ലൂക്കോസ് ആയി പഞ്ചസാര വലിച്ചെടുക്കുന്നു (മറ്റു പലതും ഉള്ളത് ഈ പ്രകരണത്തിലേക്ക് വേണ്ടാത്തതു കൊണ്ട് ഒഴിവാക്കി)

നമ്മുടെ ശരീരത്തിലെ ഓരൊ 100 മില്ലിലിറ്റർ രക്തത്തിലും താങ്ങാവുന്നത് ഏകദേശം 180 mg sugar ആണ്. അതിൽ കൂടുതൽ വരുന്നതിനെ മൂത്രത്തിൽ കൂടി പുറത്ത് കളയും. പക്ഷെ കഴിക്കുന്ന ആഹാരത്തിൽ നിന്നും വളരെ കൂടുതൽ ഗ്ലൂക്കോസ് ലഭിക്കുന്നതിനാൽ ഇതിനെ പിന്നീടുള്ള ഉപയോഗത്തിനു വേണ്ടി glycogen രൂപത്തിൽ ശേഖരിച്ചു വക്കും മസിലുകളിലും കരളിലും ഒക്കെ ആയി.

ആ സംഭരണശേഷിയിലും കൂടുതൽ ആണു കഴിക്കുന്നത് എങ്കിൽ അതിനെ fat ആക്കി സൂക്ഷിക്കും

ഈ പണി എല്ലാം ചെയ്യുന്നത് insulin എന്ന ഹോർമോൺ വഴി ആണ്

പഞ്ചസാരയുടെ അളവിനനുസരിച്ച് insulin ഉല്പാദനം കൂടുകയും കുറയുകയും ഒക്കെ ചെയ്യും.

പാങ്ക്രിയാസ് എന്ന ഗ്രന്ഥിയിൽ ആണ് insulin ഉണ്ടാകുന്നത്.
അതിന് പഞ്ചസാര എത്ര കൂടിയാലും പെട്ടെന്നു തന്നെ insulin ഉല്പാദനം കൂട്ടി മേല്പറഞ്ഞ 180 mg/100ml എന്ന അളവിൽ കൂടാൻ അനുവദിക്കാതിരിക്കുവാൻ ഉള്ള കഴിവ് ഉണ്ട്

ഈ കഴിവിനുള്ള കുറവ് വരുമ്പോഴാണ് പ്രമേഹം ഉണ്ടാവുക.

സാധാരണ ഒരു ആഹാരം കഴിച്ചാൽ അതിൽ നിന്നുള്ള ഗ്ലൂക്കോസ് രക്തത്തിൽ ഏറ്റവും അധികം ഉണ്ടാകുന്നത് 1.5 മുതൽ 2 മണിക്കൂറിനകത്താണ്.

അതിനെ ആഹാരം കഴിക്കുന്ന തിന മുൻപുണ്ടായിരുന്ന നിലയിലേക്ക് എത്തിക്കാൻ അര മണിക്കൂർ മതി

അതായത് ആഹാരം കഴിക്കുന്നതിനു മുൻപ് 100 mg ആയിരുന്നു എങ്കിൽ എത്ര കഴിച്ചാലും 2.5 മണിക്കൂർ കഴിയുമ്പോൾ ആരോഗ്യം ഉള്ള ഒരാളുടെ blood sugar 100 mg/100ml തന്നെ ആയിരിക്കണം.

ഇൻസുലിൻ ഉല്പാദനത്തിൽ തകരാറു വന്നാൽ ഇത് സാദ്ധ്യം ആകുന്നില്ല. രക്തത്തിലെ പഞ്ചസാര 180 ൽ കൂടുതൽ ആവുകയും അത് മൂത്രത്തിൽ കൂടി പുറത്ത് വരികയും ചെയ്യുന്നു.

ഇതിനു നമുക്കെന്ത് ചെയ്യാൻ പറ്റും എന്നു നോക്കാം

ആഹാരപദാർഥങ്ങളിൽ പഞ്ചസാരയുടെ അളവ് കൂടുതൽ ഉള്ളവ
പഞ്ചസാര
മധുരപലഹാരങ്ങൾ
അരി
ഉരുളക്കിഴങ്ങ്
ഗോതമ്പ്
ധാന്യവർഗ്ഗങ്ങൾ
കിഴങ്ങുവർഗ്ഗങ്ങൾ
ഇവ കഴിച്ചാൽ വളരെ പെട്ടെന്ന് രക്തത്തിലെ പഞ്ചസാര കൂടും കാരണം അവയെ അധികം process ചെയ്യേണ്ടി വരുന്നില്ല.
ഇങ്ങനെ ഉള്ളവയുടെ glycemic index കൂടുതൽ ആണെന്ന് പറയും.

പെട്ടെന്ന് പഞ്ചസാര കൂടുമ്പോൾ അതിനനുസരിച്ച് പെട്ടെന്നു പ്രവർത്തിക്കാൻ കഴിവില്ല എന്നെ ഉള്ളു pancreas ന് അല്ലെ?

പക്ഷെ സാവകാശം ആണെങ്കിൽ അതിനു പറ്റുകയും ചെയ്യും

അത് കൊണ്ട് ഇവയുടെ ഉപയോഗം ചെയ്താലും പെട്ടെന്ന് പഞ്ചസാര ആഗിരണം ചെയ്യാതിരുന്നാൽ ?

അതിനുള്ള വഴി ആണ് ശ്രദ്ധിക്കേണ്ടത്

Fibre rich items, proteins ഇവ ആഹാരത്തിനോട് കൂടുതൽ ചേർക്കുക മേല്പറഞ്ഞവയുടെ അളവു കുറയ്ക്കുക

ഇവ ചെയ്താൽ പഞ്ചസാരയുടെ ആഗിരണം കുറയും - നിലവിലുള്ള insulin production capacity കൊണ്ടു തന്നെ അതിനെ വേണ്ട അളവിൽ നിലനിർത്താനും കഴിയും

പഴങ്ങൾ കഴിക്കുന്നതിൽ പ്രമേഹരോഗികൾ ഭയക്കുന്നത് കാണാം. അതിന്റെ ആവശ്യം ഇല്ല.

ചുരുക്കത്തിൽ ആഹാരത്തിൽ കൃത്യം ആയ നിയന്ത്രണം കൊണ്ടു തന്നെ പ്രമേഹത്തെ ഒരു പരിധി വരെ നിലക്കു നിർത്താൻ സാധിക്കും

ഇനി അത് കൊണ്ടു പറ്റുന്നില്ല എങ്കിൽ?

Insulin is the answer

ആരോട് insulin എടുക്കുന്ന കാര്യം പറഞ്ഞാലും അയ്യൊ വേണ്ട. ഒരിക്കൽ insulin എടുത്താൽ ജീവിതകാലം മുഴുവൻ എടുക്കേണ്ടി വരില്ലെ?

ഞാൻ ഒരു 1000 പ്രാവശ്യം എങ്കിലും കേട്ടിട്ടുള്ള ചോദ്യം ആണിത്

ആരാണീ വിഡ്ഢിത്തം പ്രചരിപ്പിക്കുന്നത് എന്നറിയില്ല

ഏതായാലും എന്റടുത്ത് വരുന്നവരോട് ഞാൻ പറയുന്ന ഒരു ഉദാഹരണം കൂടി പറയാം

നാം ഒരു കാളവണ്ടിയിൽ യാത്ര ചെയ്യുന്നു എന്നു വിചാരിക്കുക.
കുറെ ഏറെ ദൂരം പോയിക്കഴിഞ്ഞാൽ കാളകൾ തളരും

അന്നേരം നമുക്കു മുന്നിൽ 2 വഴികൾ ഉണ്ട്

1. കാളകളെ ചമ്മട്ടി കൊണ്ട് അടിക്കുക.
2. കാളകൾക്ക് അല്പം പുല്ലും വെള്ളവും കൊടുത്ത് അല്പനേരം വിശ്രമിക്കാൻ അനുവദിക്കുക

നാം ഇതിൽ ഏത് തെരഞ്ഞെടുക്കും?

ചാട്ടയടി ഏറ്റാൽ കാളകൾ നടക്കും പക്ഷെ അതിനൊരു പരിധി ഉണ്ട് . ഇല്ലെ?

അത് കഴിഞ്ഞാൽ കാള വീണു പോകും

പക്ഷെ വിശ്രമവും പുല്ലും വെള്ളവും കൊടുത്താലൊ?

കുറെ കാലം കൂടി കാളകൾ ആരോഗ്യമായി നടക്കും

ഇതെ പോലെ തന്നെ ആണു pancreas ൽ നിന്നും insulin ഉല്പാദിപ്പിക്കുന്ന beta cells ന്റെ കാര്യവും

ശരീരത്തിലെ എല്ലാ കോശങ്ങൾക്കും പ്രവർത്തിക്കുവാൻ insulin ആവശ്യം ഉണ്ട് beta cells നും.

അത് കൊണ്ട് insulin കുറവു കൊണ്ടുള്ള ക്ഷീണം അവയെയും ബാധിക്കും.

നാം കൊടുക്കുന്ന മരുന്നുകൾ beta cells നെ പ്രകോപിപ്പിച്ച് insulin secrete ചെയ്യിക്കുന്നു എന്നെ ഉള്ളു - കാളയെ അടിക്കുന്നത് പോലെ

അത് കൊണ്ട് തുടക്കത്തിൽ തന്നെ അല്പം അളവിൽ insulin കൊടുക്കുകയാണെങ്കിൽ അതാണു നല്ലത് എന്ന് മനസിലായിക്കാ ണുമല്ലൊ അല്ലെ?

ഭയപ്പെടാനുള്ള അസുഖം അല്ല പ്രമേഹം. പക്ഷെ കാര്യങ്ങൾ അറിഞ്ഞ് ശ്രദ്ധിക്കണം എന്നു മാത്രം

പരസ്യക്കാരുടെ കെണിയിൽ വീഴാതിരിക്കുക

ആയുർവേദം പറയുന്നത് പ്രമേഹം - മധുമേഹം യാപ്യം അതായത് ചികിൽസ കൊണ്ട് control ൽ നിർത്താവുന്നത് എന്നാണ് അല്ലാതെ ഭേദപ്പെടുത്താവുന്നത് എന്നല്ല

പരസ്യങ്ങൾ ഒറ്റമൂലി ഒക്കെ വയറ്റുപിഴപ്പാണ്

അനുഭവയോഗം

കർമ്മഫലം ആനുഭവിച്ചേ തീരൂ എന്നു പറയുന്നത് കേട്ടിരിക്കും ഇല്ലെ?

ഇതിന്റെ അല്പം വിശദീകരണം

നാം ഓരോരുത്തരും ചെയ്യുന്ന കർമ്മത്തിന്റെ ഫലം കൂടി കൂട്ടത്തിൽ വച്ചു കൊണ്ടാണത്രെ സൂക്ഷ്മശരീരം മരണസമയത്ത് വേർപെട്ടു പോകുന്നത്.

ഇങ്ങനെ ഓരോ ജന്മത്തിലും ചെയ്യുന്ന ഫലങ്ങൾ എലാം കൂടി കൂടി ഉള്ളതിനെ സഞ്ചിതഫലം അഥവാ സഞ്ചിതം എന്നു വിളിക്കുന്നു- കൂട്ടി വച്ചിരിക്കുന്നത് എന്നെ ഉള്ളു അർത്ഥം

അവയിൽ നിന്നും ഏതെങ്കിലും ഒരു കൂട്ടം എടുത്ത് അതിനുള്ള ഫലം ലഭിക്കത്തക്ക ഒരു യോനിയിൽ ആയിരിക്കും ഒരു ജന്മം ഉണ്ടാവുക

ആ കൂട്ടത്തെ ആണ്‌ പ്രാരബ്ധം ( - പ്രകർഷേണ ആരബ്ധം) എന്നു പറയുന്നു.അതായത് ഈ ജന്മത്തിനു കാരണം അവ ആണ്‌.  ഇതിനെ തന്നെ ആണ്‌ ഹിന്ദുധർമ്മത്തിൽ ദൈവം എന്ന പേരിലും പറയുന്നത് -

 “പൂർവജന്മാർജ്ജിതം കർമ്മ ദൈവ ഇത്യഭിധീയതെ”

അതിലുള്ള ഫലങ്ങൾ ശക്തി ഏറിയതാകാം ശക്തി കുറഞ്ഞതാകാം, പലതുണ്ടാകാം.

ഈ ജന്മത്തിൽ ചെയ്യുന്ന കർമ്മങ്ങൾ (പുരുഷകാരം) അതിശക്തമായ പുണ്യകർമ്മങ്ങൾ ആണെങ്കിൽ അവയ്ക്ക് പ്രാരബ്ധത്തിലെ കർമ്മങ്ങളുടെ ശക്തിയെ ചിലപ്പോൾ തടുക്കാൻ പറ്റിയേക്കും.

അതു കൊണ്ട് ഇവയിൽ ഏതിനാണൊ ബലം , അനുഭവങ്ങൾ അതിനനുസരിച്ചായിരിക്കും എന്നാണ്‌ തത്വശാസ്ത്രം പറയുന്നത്

“ബലീ പുരുഷകാരോ ഹി ദൈവമപ്യതിവർത്തതെ“

എന്ന് ആയുർവേദത്തിൽ പറയുന്നു അതായത് ശക്തമായ ഇജ്ജന്മകർമ്മം ദൈവത്തിനെ പോലും അതിവർത്തിക്കും എന്ന്

ഇതിനെ തന്നെ മഹാഭാരതത്തിൽ ഇങ്ങനെ പറയുന്നു.

ആബദ്ധാ മാനുഷാഃ സർവേ നിബദ്ധാഃ കർമണോർദ്വയോഃ।

ദൈവേ പുരുഷകാരേ ച പരം താഭ്യാം ന വിദ്യതേ॥ 10-2-2

 ന ഹി ദൈവേന സിധ്യന്തി കാര്യാണ്യേകേന സത്തമ।

 ന ചാപി കർമണൈകേന ദ്വാഭ്യാം സിദ്ധിസ്തു യോഗതഃ॥ 10-2-3 താഭ്യാമുഭാഭ്യാം സർവാർഥാ നിബദ്ധാ അധമോത്തമാഃ

രണ്ടു തരം ബന്ധങ്ങൾ ഉണ്ട് ഒന്ന് ദൈവം , മറ്റൊന്ന് പുരുഷകാരം.

ഇവയിൽ ഏതെങ്കിലും ഒന്നിനെ കൊണ്ട് അല്ല അനുഭവം മറിച്ച് രണ്ടിന്റെയും കൂട്ടായ ഫലം ആണ്‌.

അല്ലെങ്കിൽ machine പോലെ ആയിപ്പോകില്ലെ ജീവിതം എന്ത് ചെയ്താലും പ്രത്യേകിച്ച് ഫലം ഒന്നും ഇല്ല എന്നു വരില്ലെ.

പാവയെ പോലെ അനുഭവിച്കു തീർത്തു പോവുക എന്ന്


ചികിൽസാശാസ്ത്രത്തിന്റെ ഉപദേശത്തിനു ഇത് വളരെ വിശദമായി ചരകൻ ചർച്ച ചെയ്യുന്നുണ്ട്

സ്രോതസ്

ആധുനികശാസ്ത്രം കാട്ടി തരുന്ന പല വിവരങ്ങളും ഉപയോഗിച്ച്, ആയുർവേദത്തിലെ അടിസ്ഥാനതത്വങ്ങൾ വിശദീകരിക്കുവാൻ ശ്രമിച്ചാൽ, സംസ്കൃതപരിജ്ഞാനം കുറഞ്ഞു വന്ന ഇക്കാലത്ത് ആയുർവേദത്തിനുണ്ടായ ക്ഷീണം കുറെ ഒക്കെ മാറ്റി എടുക്കുവാൻ സാധിക്കില്ലെ?

അത്തരത്തിലുള്ള പഠനങ്ങൾ അല്ലെ ആയുർവേദത്തിന്റെ Post Graduate പഠനങ്ങളിലും റിസർചിലും നടത്തേണ്ടത്?

Modern Physiology പഠിച്ചപ്പോൾ എന്നെ വല്ലാതെ ഇരുത്തി ചിന്തിപ്പിച്ച ചില ഭാഗങ്ങൾ ആണ്‌ Membrane ഉം , അതിൽ കൂടി Ions നെ അങ്ങോട്ടും ഇങ്ങോട്ടും കടത്തിവിടുന്ന Sodium Pump, Potassium Pump തുടങ്ങിയ energy consuming Mechanisms

നിങ്ങൾ കേട്ടിട്ടുണ്ടാകും ഇല്ലെ- പ്രായമുള്ള ചിലർ ആശുപത്രിയിൽ ചെല്ലുമ്പോൾ സോഡിയം കുറവാണെന്നു പറഞ്ഞു. ഡ്രിപ് കൊടുക്കുകയാ എന്ന്?

ഡ്രിപ് കഴിഞ്ഞ് കുറച്ച് ദിവസത്തേക്ക് മരുന്നും കൊണ്ട് അവർ ശരിയാകും, പിന്നീടോ? പിന്നീടൂം ഇത് തന്നെ അവസ്ഥ

ഇത് എന്താണ്‌?

ഇവരുടെ ശരീരത്തിൽ സോഡിയം ഇല്ലെ?

ഉണ്ട് പക്ഷെ വേണ്ട സ്ഥലത്തല്ല.  ഇതു പോലെ തന്നെ ആണ്‌ പൊട്ടാസിയവും കാൽസിയവും എല്ലാം. എല്ലാം ശരീരത്തിൽ ഉണ്ട്, പക്ഷെ വേണ്ട സ്ഥലത്ത് വേണ്ട അളവിൽ ഇല്ല, അല്ലെങ്കിൽ വേണ്ടാത്ത സ്ഥലത്ത് വേണ്ടതിൽ കൂടൂതൽ ഉണ്ട്.

ഒരു Membrane ന്റെ അകത്തും പുറത്തും (ഇവിടെ ഒരു Cell Membrane  ആലോചിക്കുക)  ഉള്ള Electrolytes ions ന്റെ concentration ആണ്‌ അവ തമ്മിലുള്ള Potential Difference  തീരുമാനിക്കുക എന്ന് നമുക്കൊക്കെ അറിയാം ഇല്ലെ?

ഉദാഹരണത്തിന്‌ Na Ions  ഉം K ions  ഉം രണ്ടും Positive charged  ആണല്ലെ?

ഇവ രണ്ടും സെല്ലിനകത്തും പുറത്തും ഉണ്ട്. Membrane സുതാര്യം ആണെങ്കിൽ, ഇവയുടെ Concentration  രണ്ടിടത്തും തുല്യം ആയിരിക്കും - ആവില്ലെ?

അതുപോലെ തന്നെ Cl, HCo3  ഇവ Negative Charged  ഇവയും എല്ലാ തുല്യമായി അകത്തും പുറത്തും ആണെങ്കിൽ അവിടെ ഒരു Membrane Potential ഉണ്ടാവുകയില്ല.

അപ്പോൾ അവയുടെ അളവിനെ അകത്തും പുറത്തും വ്യത്യസ്ഥം ആക്കുവാൻ energy ഉപയോഗിച്ച് ഇവയെ pump ചെയ്യുന്നു , വേണ്ട രീതിയിൽ അകത്തേക്കും പുറത്തേക്കും.

അതായത് Membrane സുതാര്യം ആണെങ്കിലും, അതിലൂടെ ആർക്കൊക്കെ എപ്പോഴൊക്കെ എങ്ങോട്ടൊക്കെ പോകാം എന്നതിനെ നിയന്ത്രിക്കുന്ന ചില ശക്തികൾ

നമ്മൾ രക്തം പരിശോധിച്ച Results നോക്കിയാൽ കാണാം

Serum Potassium(സെല്ലിനു പുറത്ത്) (Range 3.5 to 5 എന്ന്, അതെ സമയം Serum Sodium 135 to 145 എന്ന്

പക്ഷെ സെല്ലിനകത്തുള്ള potassium level 140 mEq/L  ആണ്‌, sodium 12 mEq/L  ഉം

സോഡിയം കുറവാണ്‌ എന്ന് പറയുമ്പോൾ അർത്ഥമാക്കുന്നത് സെല്ലിനു  പുറത്ത് 135 mEq/L ൽ കുറവാണെന്നെ ഉള്ളു

അതായത് സോഡിയം ഇല്ലാത്തതല്ല പ്രശ്നം, പിന്നെയോ അതിനെ പുറത്തേക്ക് പമ്പ് ചെയ്യുന്ന ശക്തി പ്രവർത്തിക്കുന്നില്ല എന്നാണ്‌

ഞങ്ങൾ ലക്ഷണത്തിനല്ല ചികിൽസിക്കുന്നത്, കാരണത്തിനാണ്‌ എന്ന് ഉച്ചത്തിൽ ഘോഷിക്കുന്ന ചികിൽസകർ അപ്പോൾ യഥാർഥത്തിൽ ചെയ്യുന്നത് എന്താണ്‌ ?

ഡ്രിപ് വഴി സോഡിയം കൊടുക്കുന്നു, പക്ഷെ മുൻപു പറഞ്ഞ നിയാമകശക്തിയെ എന്ത് ചെയ്യുന്നു? ഒന്നും ചെയ്യുന്നില്ല, അത് താനെ ശരിയാകണം അല്ലെ?

ഇവിടെ ആണു ഞാൻ പറഞ്ഞ ആയുർവേദത്തിന്റെ തത്വങ്ങൾ പ്രസക്തം ആകുന്നത്

ആയുർവേദത്തിൽ സ്രോതസ് എന്ന ഒരു തത്വം ഉണ്ട്. അത് തന്നെ ഒരു ലേഖനം എഴുതിയാൽ തീരാത്തത്ര ഉണ്ട്.ദ്രവ്യപരിണാമത്തിന്റെ അനുസ്യൂതപ്രവാഹം എന്ന ഒരു രീതിയിൽ ഒരു സ്രോതസ്.

മറ്റൊന്ന്  മുകളിൽ പറഞ്ഞ Membranes

സ്രോതോരോധം സർവരോഗങ്ങൾക്കും കാരണം ആകാം എന്ന് ആചാര്യൻ പറയുന്നുണ്ട്.

ഇത് വളരെ ആഴത്തിൽ വിശദമായി പഠിക്കേണ്ട ഒരു വിഷയം ആണ്‌

Obesity പരാമർശിക്കുന്ന ഭാഗത്ത്

“സ്രോതസ്സു മേദോരുദ്ധേഷു

വായുഃ കോഷ്ഠേ വിശേഷതഃ

ചരൻ പ്രജ്വലയത്യഗ്നിം

ക്ഷുത്തൃഷൗസ്തത്തതോഽധികം”

ഇപ്പറഞ്ഞ സ്ഥലത്ത് മേദസ്സു കൊണ്ട് ഓട്ട അടഞ്ഞു എന്ന അർത്ഥത്തിനെക്കാൾ പാകം ശരിയാകാത്ത ദുഷ്ടകഫം, എന്നും മുൻപറഞ്ഞ ചാലകശക്തി വേണ്ട ഇടത്തല്ല, വേണ്ടാത്ത ഇടത്താണു പ്രവർത്തിക്കുന്നത് എന്നും അർത്ഥം ആക്കിയാലൊ?

അതെ വായു ആണ്‌ ആധുനികർ പറയുന്ന Pump. വായുവിനെ ആണു നേറെ ആക്കേണ്ടത്.

അല്ലെ നിങ്ങളുടെ അഭിപ്രായവും കൂടി കേൾക്കാൻ ആഗ്രഹിക്കുന്നു