സിലിക്ക Silica

മനുഷ്യന്റെ വളരെ ഭീകരനായ ഒരു സുഹൃത്താണ്‌ ഇവൻ. ഇവൻ ലോകം മുഴുവൻ നിറഞ്ഞവനാണ്‌ - പരബ്രഹ്മമല്ല കേട്ടോ.

Rock Mining, Civil engg works with hard Rock, Stone dressing and polishing, casting, fettling and sandblasting in foundries, removal of refractory lining in glass, ceramic, cement industries, boiler scaling, porcelain and enamel manufacturing എന്നു തുടങ്ങി അനേകം വ്യവസായങ്ങളിൽ ആളുകൾ ഇവനുമായി ബന്ധപ്പെടുന്നു.

ഒരിക്കൽ ഉപദ്രവം തുടങ്ങിയാൽ ചിൽകിൽസയില്ലാത്തതും വളരെ അപകടകാരിയുമായ Pneumoconiosis എന്ന ശ്വാസകോശ രോഗം ഉണ്ടാക്കുന്നതിൽ പ്രമുഖ പങ്കുള്ള മൂന്നു വസ്തുക്കളിൽ ഒന്നാണ്‌ ഇവൻ.

സിലിക്കയുടെ കണങ്ങൾ അന്തരീക്ഷത്തിൽ പറന്നു നടന്ന്‌, ശ്വാസകോശത്തിൽ കൂടി ഉള്ളിൽ എത്തുന്നതുമാണ്‌ അപകടകാരണം.
ഈ കണങ്ങൾ മുൻപു പറഞ്ഞതു പോലെ 10 മൈക്രോണിൽ താഴെ വലിപ്പമുള്ളവ ആണെങ്കിൽ അവ ശ്വാസകോശത്തിന്റെ അകത്തുള്ള കുഴലുകളിൽ എത്തിപെടും. 5 മൈക്രോണിൽ താഴെയുള്ളവ alveolus എന്ന ഏറ്റവും അകത്തുള്ള പാടയിൽ എത്തിപ്പെടൂന്നു. അവിടെ വച്ച്‌ അവയെ ശരീരത്തിന്റെ സുരക്ഷാഭടന്മാരായ Macrophages വിഴുങ്ങുന്നു.

എന്നാൽ മാക്രൊഫാജുകൾക്ക്‌ ഇവനെ നശിപ്പിക്കുവാൻ സാധിക്കുന്നില്ല എന്നു മാത്രമല്ല മാക്രൊഫാജുകൾ നശിപ്പിക്കപ്പെടുകയും ചെയ്യുന്നു. അങ്ങനെ പുറമെ വരുന്ന ഇതിനെ വീണ്ടും അടുത്ത മാക്രൊഫജ്‌ വിഴുങ്ങും അതും നശികും. ഈ മാക്രൊഫാജിലുള്ള ചില enzymes - (പുറത്തു നിന്നുള്ള ബാക്റ്ററിയലളേ നശിപ്പിക്കുവാൻ ഉദ്ദേശിച്ചുള്ളവ) ഈ അവസരത്തിൽ അവയ്ക്കു തന്നെ നാശകാരണമായിത്തീരുന്നു. അവയുടെ പ്രവർത്തനത്താൽ ശ്വാസകോശത്തിൽ തന്നെ Interstitial fibrosis എന്ന അവസ്ഥ ഉണ്ടാകുന്നു.

തുടർന്നു തുടർന്നുണ്ടാകുന്ന ഇത്തരം നാശങ്ങളാൽ ശ്വാസകോശം തകരാറിലാകുന്നു.

മുൻപൊക്കെ പറഞ്ഞിരുന്നത്‌ വളരെകാലം നീണ്ടു നിൽക്കുന്ന exposure ഇതൊക്കെ ഉണ്ടാകൂ എന്നായിരുന്നു. എന്നാൽ അടുത്ത കാലത്തെ ചില പഠനങ്ങൾ സൂചിപ്പിക്കുന്നതുപോലെ 6 മാസം പ്രായമായ കുട്ടിയിലും (അതിന്റെ അമ്മ പണിസ്ഥലത്തു കൊണ്ടു പോയിരുന്നതിനാൽ)ഈ രോഗം കണ്ടിട്ടുണ്ട്‌.

ഇതിന്റെ മറ്റൊരപകടം എന്തെന്നാൽ , ഇവന്റെ ലക്ഷണങ്ങൾ വരുന്നത്‌ വളരെ മോശമായിക്കഴിഞ്ഞ്‌ ആണ്‌ എന്നതാണ്‌ . സാധാരണ ചുമ, ശ്വാസം മുട്ട്‌ തുടങ്ങിയ ലക്ഷണങ്ങൾ ആദ്യമേ ഉണ്ടാകുന്നു എങ്കിൽ വൈദ്യപരിശോധന, നേറത്തെ നടത്തപ്പെടുകയും രോഗം ആദ്യമ്നേ തന്നെ വെളിവാകുകയും ചെയ്യും , എന്നാൽ ഇവിടെ , രോഗം കടുത്തശേഷമേ ഇത്തരം ലക്ഷണങ്ങൾ പ്രകടമാകൂ.

ഇത്തർം രോഗികളിൽ TB ഉണ്ടാകുവാനുള്ള സാധ്യതയും കൂടൂതലാണെന്നു കാണുന്നു.

ഏകദേശം 1-3 വർഷങ്ങൾക്കുള്ളിൽ മരണത്തേയും കൊണ്ടു വരും.

അപ്പോൾ മേൽപറഞ്ഞ സ്ഥലങ്ങളിൽ ജോലി ചെയ്യുന്നവർ ജോലിയിൽ പ്രവേശിക്കുന്നതിനു മുമ്പ്‌ Chest X-ray , ശ്വാസകോശ പരിശോധനകളായ FEV1,VC, FVC ഇവ നോക്കിയിരിക്കണം.

Periodical Medical Examination ലും ഇവയ്ക്ക്‌ പ്രാധാന്യം കൊടുക്കണം. അന്തരീക്ഷത്തിലുള്ള പൊടിയുടെ അളവിനെ അനുസരിച്ച്‌ PME എത്ര നാളുകൾ കൂടുമ്പോൾ ചെയ്യണം എന്നു തീരുമാനിക്കുക.

ഈ രോഗം വന്നിട്ട്‌ മരിക്കുന്നതിനെക്കാൾ നല്ലത്‌, വരാതെ നോക്കുന്നതാണ്‌.

അതുകൊണ്ട്‌ അന്തരീക്ഷത്തിലുള്ള പൊടിയെ നിയന്ത്രിക്കുവാൻ വേണ്ട നടപടികൾ കൈക്കൊള്ളണം.

പൊടി കൂടൂതൽ ഉണ്ടാകുവാൻ സഹായിക്കുന്ന രീതികൾ ഒഴിവാക്കി, പൊടി കുറവുൽപാദിപ്പിക്കുന്ന രീതികൾ സ്വായത്തമാക്കണം - ഉദാഹരണത്തിന്‌ wet - drilling

ഉണ്ടായ പൊടി നമ്മുടെ ശ്വാസകോശത്തിൽ പെടാതിരിക്കുവാനുള്ള Personal Protective Equipments കർശനമായും ഉപയോഗിച്ചിരിക്കണം.

Inspection നു പോകുമ്പോൾ, ഞങ്ങളെ കാണുമ്പോൾ Mask ധരിക്കുകയും , ഞങ്ങൾ പോയിക്കഴിയുമ്പോൾ അത്‌ മാറ്റിവച്ച്‌ പണിയുകയും ചെയ്യുന്നത്‌ അനുഭവയോഗം കൊണ്ടാണെന്നു സമാധാനിക്കുകയല്ലാതെ ഞങ്ങൾ എന്തു
ചെയ്യാൻ!!

അന്തരീക്ഷത്തിൽ അ നുവദനീയമായ അളവുകൾ

(1-2mg quartz/cmm may cause dtectable disease in 5-15 years

Dust with less silica content ie 70% and above - 0.5 mg/cubic meter
Dust with less silica content ie 10% and below - 5mg/ cubic meter

Respirable dust (ie size 1-5microns) - 0.1 - 0.2 mg/ cubic meter

ഇതൊക്കെ നിങ്ങളുടെ സ്ഥാപനത്തിലു പാലിക്കപെടുന്നുണ്ടോ എന്നറിയുവാൻ നിങ്ങൾക്കും അവകാശമുണ്ട്‌. ഉടമസ്ഥൻ അവന്റെയും നാം നമ്മുടെയും ധർമ്മം ശരിക്കു നിറവേടിയാൽ നിലകു നിർത്താവുന്നതെ ഉള്ളു ഈ അപക്കടങ്ങൾ

( നെറ്റ്‌ ൽ തപ്പിയാൽ ഇവന്റെ ഭീകര മുഖം കാണിക്കുന്ന ധാരാളം സൈറ്റുകൾ കിട്ടും

ക്രോമിയം - Chromium

ക്രോമിയം - Chromium

Ferrochromium-Alloys ഉം Monochromates, dichromates ഇവയും മറ്റും നിർമ്മിക്കുന്നവർ, Stainless steel welders, Chromium platers, Furniture Polishers, chromium pigment spray painters, Leather tanners, Cement industry workers, Glass industry workers, building workers, printers, photograph technicians എന്നു തുടങ്ങി ധാരാളം ആളുകൾ ജോലി ചെയ്യുന്ന സ്ഥലത്ത്‌ ഇടപഴകേണ്ടി വരുന്ന ഒരു വസ്തു ആണ്‌ ക്രോമിയം.
ഇവൻ തൊലിപ്പുറമേയും പ്രശ്നമുണ്ടാക്കും, ശ്വാസത്തിൽകൂടിയും വായിൽ കൂടിയും അകത്തു കടന്നും പ്രശ്നമുണ്ടാക്കും Hexavalent Compounds കൂടൂതലും ജലത്തിൽ ലയിക്കുന്നവയായതു കൊണ്ട്‌ അവ 1-10% ഉം , Trivalent Compounds അത്ര ലയനശേഷി ഇല്ലാത്തവയായതു കൊണ്ട്‌ 0.2 - 3% വരെയും ആഗിരണം ചെയ്യപ്പെടുന്നു.

ക്രോമിയം പിഗ്‌മന്റ്‌ കണങ്ങൾ , stainlesssteel welding ലുണ്ടാകുന്ന പുക,Chromic acid mist aerosols ഇവയുടെ വലിപ്പം 1 മൈക്രൊണിലും കുറവായതിനാൽ ഇവ ശ്വാസകോശത്തിൽ കൂടി രക്തത്തിലെത്തിച്ചേരുന്നു.

ശരീരം ഇവനെ മൂത്രം മലം എന്നിവയിൽ കൂടി പുറം തള്ളുന്നു.

അഥവാ ഇവൻ വലിയ അളവിൽ വായിൽ കൂടി അകത്തെത്തിയാൽ ദഹനവ്യവസ്ഥയിൽ നിന്നും രക്തസ്രാവം, കരൾ നാശം Necrosis of liver, വൃക്കനാശം Tubular Necrosis, ഇവയുണ്ടാകും.

തൊലിപ്പുറമെ ഇവൻ Contact Dermatitis ഉണ്ടാക്കുന്നു. കുറച്ചു കഴിഞ്ഞാൽ അവൻ അതിനെ ഒരു വ്രണമാക്കി മാറ്റും. ഈ വ്രണം സാധാരണ വൃത്തൈലുള്ളതും ആഴമുള്ളതും , വക്കുകൾ തടിച്ചവയും ആയിരിക്കും. കൈകളുടെ മുട്ടിനു താഴെയും കാലുകളുടെ മുട്ടിനു താഴെയും ആണ്‌ സ്പർശന സാധ്യതയാൽ ഇവ ആദ്യം പ്രത്യക്ഷപ്പെടുക.

1-9 ഗ്രാം വരെ അകത്തു ചെന്നാൽ ഇവൻ വളരെ ശക്തമായ ലക്ഷണങ്ങളുണ്ടാക്കുന്നു.

അന്തരീക്ഷത്തിൽ 0.1 mg/cubicmeter ഓ അതിൽകൂടുതലോ chromic acid fumes ഉള്ളപ്പോൾ ശ്ലൈഷ്മിക കലയുടെ നാശം സംഭവിക്കുന്നതായി കാണുന്നു.

ശ്വാസകോശത്തിൽ കൂടി ഉള്ളിൽ കടക്കുന്ന ഇവൻ ആദ്യം മൂക്കിന്റെ പാലത്തിലുള്ള ശ്ലൈഷ്മിക കലയെ ദ്രവിപ്പിക്കുന്നതിനാൽ അതിൽ ദ്വാരം വീഴുന്നു. (CaDmium, Arsenic എന്നിവയും ഇങ്ങനെ ദ്വാരമുണ്ടാക്കും)

ദീർഘകാലം ഇടപെടൂന്നവരിൽ ശ്വാസകോശാർബുദവും കണ്ടുവരുന്നു.

ക്രോമിയം sensitive ആയവരിൽ leather shoes പോലും allergic lesions ഉണ്ടാക്കാം.

അറിയാതെ അകത്തു പെട്ടാൽ പാൽ , വിറ്റമിൻ C ഇവ കൊടുക്കുന്നത്‌ നല്ലതാണു കേട്ടോ.

മൂക്കിന്റെ പാലത്തിന്‌ ദ്വാരം , ശ്വാസകോശാർബുദം എന്നിവ ചികിൽസ ഇല്ലാത്തവയായതിനാൽ , അതൊക്കെ വരാതിരികുവാൻ ശ്രദ്ധിക്കുക.

ജോലി ചെയ്യുമ്പോൾ Gloves, clothings, Protective creams ഇവ നിർദ്ദേശിക്കപ്പെട്ട പോലെ ഉപയോഗികുക.

ജോലിസ്ഥലത്തെ അന്തരീക്ഷത്തിൽ കാണാവുന ക്രോമിയത്തിന്റെ അളവ്‌

Insoluble Chromium - 0.5 - 1mg/cubic meter
soluble Chromium - 0.01 - 0.1mg/cubic meter

മാംഗനീസ്‌- Manganese

മാംഗനീസ്‌- Manganese

മാംഗനീസ്‌ മൈനിങ്ങിലും, ferromanganese, Iron and Steel, Dry-Cell Batteries, Welding Rod, Potassium Permanaganate എന്നിവയുടെ ഉൽപാദനവുമായും ബന്ധപ്പെട്ടു പ്രവർത്തിക്കുന്നവർ ശ്രദ്ധിക്കേണ്ട ചില കാര്യങ്ങൾ.
ഇവർ പ്രധാനികൾ മറ്റുള്ളവരും ഉണ്ട്‌ കേട്ടൊ- dryers of linseed oil, glass industry, textile bleaching, leather tanning, fertiliser manufacturing എന്നിങ്ങനെ.

ലോകത്തിലുൽപാദിപ്പിക്കുന്ന മാംഗനീസിന്റെ 90% വും steel industry യിലാണ്‌ ഉപയോഗിക്കപ്പെടുന്നത്‌.
അപ്പോൾ പറഞ്ഞു വന്നത്‌ ഇവനും നമുക്ക്‌ അപകടങ്ങൾ ഉണ്ടാക്കുവാൻ സമർഥൻ തന്നെ. ഇവന്റെ പല ലവണങ്ങളും സാധാരണ ജലത്തിൽ ലയിക്കുന്നവയല്ലെങ്കിൽപോലും, നമുക്കിവൻ ഉപദ്രവകാരിയാകാം- ഇവന്റെ വളരെ ചെറിയ കണങ്ങൾ - 1-5 മൈക്രൊൺ വലിപ്പം ഉള്ളവ ശ്വാസകോശത്തിൽ കൂടി അങ്ങ്‌ രക്തത്തിലെത്തിച്ചേരും. ആഹാരത്തിൽ കൂടി അകത്തെത്തുന്നതിൽ ഏകദേശം 3% മാത്രമേ ആഗിരണം ചെയ്യപ്പെടുന്നുള്ളു.

രക്തത്തിലെത്ത്യാ ഇവൻ ഉടൻ തന്നെ പ്രധാനമായി കരളിലും അതുപോലെ മറ്റിടങ്ങളിലുമായി നിക്ഷേപിക്കപ്പെടുന്നു.
ഇവൻ Blood-Brain baarier, Placenta എന്നീ കടമ്പകളെ കടക്കുവാൻ കഴിവുള്ളവനാണ്‌. അതുകൊണ്ടു തന്നെ രക്തത്തിൽ കൂടി തലച്ചോറിലും, ഗർഭത്തിലുള്ള കുട്ടിയിലും ഇവൻ എത്തിപ്പെടുന്നു. (സാധാരണ അങ്ങനെ സംഭവിക്കുവാതിരിക്കാൻ ശരീരം തനിയെ ഉണ്ടാക്കിയിരിക്കുന്ന ഒരു പ്രതിരോധമാണ്‌ മുൻപറഞ്ഞവ)

കരളിൽ ആണ്‌ പ്രധാനമായ ശേഖരം എന്നതിനാൽ പിത്തത്തിൽ കൂടിയാണ്‌ ഇതിനെ വിസർജ്ജിക്കുന്നത്‌.

തൊഴിൽ പരമായി ഇതുമായി ബന്ധമില്ലാത്തവരിൽ , സാധാരണ ആഹാരത്തിൽ നിന്നും ലഭിക്കുന്ന അളവുകൾ വച്ച്‌ രക്തത്തിൽ 20 മൈക്രൊഗ്രാം/ലിറ്റർ, മൂത്രത്തിൽ 2 മൈക്രൊഗ്രാം /ലിറ്റർ, മുടിയിൽ 3മില്ലിഗ്രാം/kg എന്നീ തോതിൽ ഇവൻ ഉണ്ട്‌.

മലത്തിൽ 60mg/kg കണ്ടാൽ അത്‌ പുറമെ നിന്നുള്ള മാംഗനീസ്‌ കാരണമാണെന്നനുമാനിക്കാം.

നീണ്ട കാലം അതുമായി ബന്ധപ്പെടുന്നവരിൽ തലച്ചോറിന്റെ പ്രവർത്തനവുമായി ബന്ധപ്പെട്ട വൈകല്യങ്ങൾ പ്രത്യക്ഷപ്പെടുന്നു. മാംഗനീസ്‌ പൊടിയടങ്ങിയ വായു അഥവാ പുക ശ്വസിക്കുന്നവരിൽ ഏതാനും മാസങ്ങൾ കൊണ്ടു തന്നെ ലക്ഷണങ്ങൾ ഉണ്ടാകാം.

ആദ്യമാദ്യം പറയത്തക്ക വണ്ണം പ്രാധാന്യമുള്ള ലക്ഷണങ്ങൾ ഇല്ല , പിന്നീട്‌ പതുക്കെ പതുക്കെ നടപ്പിലുള്ള വൈകല്യം, വർത്തമാനം പറയുന്നതിലുള്ള വൈകല്യം, psychomotor disturbances എന്നു തുടങ്ങി അവസാനം Manic or Depressive psychosis, Parkinsonism ഇവ വരെ എത്താം.

Acute or c hronic Bronchitis, Pneumonia ഇവ ഉണ്ടാകുന്നത്‌ ഇവൻ നമ്മുടെ പ്രതിരോധശേഷിയെ തകരാറിലാക്കുന്നതുകൊണ്ടും കൂടിയാണെന്നു വിശ്വസിക്കപ്പെടുന്നു.

അന്തരീക്ഷത്തിൽ 2-5 mg/cubic meter മാംഗനീസ്‌ ഉള്ളപ്പോൾ മേൽപറഞ്ഞ അപകടം കാണപ്പെടുന്നു.
0.05 mg/cubic meter ആണെങ്കിൽ vague signs മാത്രമേ കണൂ.

പെട്ടെന്നു തന്നെ രോഗിയെ ആ സ്ഥലത്തു നിന്നും മാറ്റിയാൽ രോഗത്തിന്‌ ആശ്വാസം ലഭിക്കാം എങ്കിലും , നടക്കുന്നതിലും വർത്തമാനത്തിലും ഉള്ള തകരാറുകൾ നീണ്ടുനിൽക്കും. മേൽപറഞ്ഞ അസുഖത്തെ Manganism എന്നു വിളിക്കുന്നു.

ജോലിസ്ഥലത്തിരുന്ന്‌ ആഹാരം കഴിക്കുക, ജോലികഴിഞ്ഞാൽ കുളിക്കാതിരിക്കുക, ആ തുണികഴുീകാതിരിക്കുക തുടങ്ങിയവ ഇതിന്റെ സഹായികളാണ്‌.

അന്തരീൽക്ഷത്തിൽ അനുവദിക്കപ്പെട്ട അളവ്‌ 0.3 - 0.6 microgram/cubic meter

WHO പറയുന്നത്‌ TLV - TWA 0.3microgram/cubic meter മാത്രം

ഏതായാലും ജോലി ചെയ്യുന്ന സ്ഥലത്തുള്ള സുരക്ഷാ നിർദ്ദേശങ്ങൾ വളരെ കർശനമായി പാലിക്കുക.

പാഷാണം (Arsenic)

പാഷാണം (Arsenic)

പാഷാണം അടങ്ങുന്ന കീടനാശിനികൾ ഉപയോഗിക്കുന്നവർ, പാഷാണ റിഫൈനറികളിലും, അതിന്റെ അയിരുമായി ബന്ധപ്പെട്ടും ജോലി ചെയ്യുന്നവർ, Wood Preservatives ഉണ്ടാക്കുന്നവർ, കീടനാശിനികളും, മരുന്നുകളും ഉണ്ടാക്കുന്നവർ, metallurgy യുമായി ബന്ധപ്പെട്ട ജോലി ചെയ്യുന്നവർ, ഗ്ലാസ്സ്‌ , lead alloys, semi-conductors ഇവ ഉണ്ടാക്കുന്നവർ, വാർണീഷുമായി ബന്ധപ്പെട്ട ഉൽപാദനപ്രവർത്തനത്തിൽ പങ്കെടുക്കുന്നവർ - ഇവരൊക്കെ ശ്രദ്ധിക്കേണ്ട ചില കാര്യങ്ങൾ പറയാം.

മുമ്പ്‌ കറുത്തീയത്തിന്റെ കാര്യത്തിൽ പറഞ്ഞതു പോലെ തന്നെ ഇതും അന്തരീക്ഷത്തിൽ വാതകരൂപത്തിൽ അപകടകാരിയായി നിലകൊള്ളും. അവിടെ നിന്ന്‌ ശ്വാസം വഴി ശരീരത്തിലെത്തുന്നു. ഇതിന്റെ കണങ്ങൾ വലിപ്പം കൂടിയതായതു കൊണ്ട്‌ അവ തിരികെ അന്നനാളം വഴി കുടലിലെത്തിച്ചേരും.

അങ്ങനെ ചെറിയ കണങ്ങൾ ശ്വാസകോശങ്ങളിൽ കൂടിയും വലിയവ ആഹാരപഥത്തിൽ കൂടിയും ആഗിരണം ചെയ്യപ്പെടുന്നു.

ശരീരത്തിനുള്ളിൽ വച്ച്‌ ഇവയിൽ inorganic arsenic, dimethylarsenic acid ഉം Methyl arsonic acidഉം ആയി മാറുന്നു.

ആഗിരണം ചെയ്യപ്പെടുന്നതിൽ വളരെ നല്ല ഒരംശം മൂത്രത്തിൽ കൂടിയും കുറച്ചു ഭാഗം മലത്തിൽ കൂടിയും വിസർജ്ജിക്കപ്പെടുന്നു- ഏകദേശം 6 മണിക്കൂറുകൾക്കുള്ളിൽ. 7 ദിവസത്തിനുള്ളിൽ അതിന്റെ 75% വും വിസർജ്ജിക്കപ്പെടുന്നു.

ഇവൻ ഒരു വിഷപദാർഥമായതു കൊണ്ട്‌ എന്തൊക്കെ വികൃതികൾ കാട്ടുമെന്നു നോക്കാം-

ആളവു കൂടുതലായാൽ - (Acute Poisoning) കൂടിയ അളവിൽ അന്നപഥത്തിലെത്തിയാൽ - കഠിനമായ ഛർദ്ദി, വയറിളക്കം, പേശീവേദന, മുഖത്തു നീര്‌, ഹൃദയപ്രവർത്തനവൈകല്ല്യം, shock, ജലാംശക്കുറവ്‌(dehydration ഇവ ഉണ്ടാകും. 75-180mg വരെ ഇവന്റെ മരണകാരക അളവാണ്‌.

തൊലിപ്പുറമെ ഉള്ള സമ്പർക്കം കൊണ്ട്‌ Contact Dermatitis, Folliculitis, Eczematous eruptions, Ulcerations ഇവ ഉണ്ടാക്കും.

Nascent Hydrogen ഉമായി ബന്ധപ്പെടുവാൻ ഇടവന്നാൽ ഇവൻ മാരകമായ Arsine എന്ന വാതകമാകുന്നു- (കേട്ടിട്ടുണ്ടാകും യുദ്ധത്തിനുപയോഗിക്കുന്ന വിഷവാതകം)
നിറമോ മണമോ ഇല്ലാത്ത ഈ വാതകം അതുകാരണം തന്നെ തിരിച്ചറിയുവാനും സാധിക്കുന്നില്ല.

ഇവൻ ശ്വാസകോശത്തിൽ കൂടി വളരെ വേഗം ആഗിരണം ചെയ്യപ്പെടും. രക്തത്തിലെ ചുവന്ന അണുക്കളെ നശിപ്പിക്കുന്നു, ഹീമോഗ്ലോബിൻ മൂത്രത്തിൽകൂടി വരികയും (ഏകദേശം 6 മണിക്കൂറുകൾക്കുള്ളിൽ) വൃക്കകളുടെ പ്രവർത്തനം തകരാറിലാകുകയും ചെയ്യുന്നു.

Chronic Poisoning കൂടൂതൽ നാൾ ചെറിയ അളവിൽ അകത്തു ചെന്നാൽ തൊലി, ശ്വാസവ്യൂഹം, ഹൃദയം , വൃക്ക, രക്തം , നാഡീവ്യൂഹം തുടങ്ങി പലഭാഗങ്ങളേയും ഇവൻ തകരാറിലാക്കുന്നു.

തൊലിയിൽ hyperpigmentation, herpetic lesions, hyperkeratosis തുടങ്ങിയവയും അപൂർവമായി ചിലപ്പോൾ ക്യാൻസർ വരെയും ഉണ്ടാകാം.

മൂക്കിന്റെ പാലത്തിൽ ദ്വാരം ഉണ്ടാവുക സാധാരണമാണ്‌ (ഇത്‌ Cadmium, Chromium എന്നീ രാസവ്ബസ്തുക്കളുമായി ബന്ധപ്പെട്ടും ഉണ്ടാകാം)
ചിലപഠനങ്ങളിൽ ഹൃദയസംബന്ധമായ തകരാറുകളും ഉണ്ടാകുന്നതായി കണ്ടിട്ടുണ്ട്‌- രക്തധമനികളുക്കുണ്ടാകുന്ന വൈകല്യങ്ങൾ മൂലം.
ഞരമ്പുകൾക്കുണ്ടാകുന്ന ചില തകരാറുകൾ മാറുന്നതാണെങ്കിലും വളരെ കാലതാമസം നേരിടും.
രക്തത്തിലുള്ള എല്ലാ തരം കോശങ്ങളുടെയും എണ്ണം കുറയ്ക്കും.

കൂടുതൽ കാലം ഇടപഴകുന്നവരിൽ ശ്വാസകോശാർബുദം കാണുന്നതായും പഠനങ്ങൾ സൂചിപ്പിക്കുന്നു. (25 കൊല്ലത്തിനു മുകളിൽ, അന്തരീക്ഷത്തിൽ 50 മൈക്രൊഗ്രാം/cubic metre ശ്വസിച്ചവരിൽ 3മടങ്ങു കൂടൂതൽ സാധ്യത)

Factories Act പ്രകാരം arsenic ഉപയോഗം ഉള്ള ഇടങ്ങളിൽ Personal Monitoring or Area Monitoring (in the breathing zone) നടത്തി തൊഴിലാളികൾ ശ്വസിക്കുന്ന വായുവിൽ അതിന്റെ അളവ്‌ എത്രയുണ്ട്‌ എന്നു തിട്ടപ്പെടുത്തേണ്ടതുണ്ട്‌.

വായുവിൽ 0.05 - മുതൽ 0.5 മൈക്രൊഗ്രം/ക്യുബിക്‌ മീറ്റർ ആണ്‌ പല രാജ്യങ്ങളിലായി arsenic ന്‌ അനുവദിച്ചിട്ടുള്ള പരിധി

എല്ലാ മൂന്നു മാസങ്ങളിലും മൂത്രം പരിശോധിക്കേണ്ടതാണ്‌. സാധാരണക്കാരുടെ മൂത്രത്തിൽ ഇതിന്റെ അംശം 30 മൈക്രൊഗ്രം/ലിറ്റർ വരെ കാണാം.

ഇതുമായി ബന്ധപ്പെട്ടു ജോലി ചെയ്യുന്നവരിൽ കാണുന്ന അളവ്‌ ഇതിൽ കൂടൂതലായിരിക്കും. കടൽമൽസ്യം കഴിക്കുന്നത്‌ മൂത്രത്തിലുള്ള arsenicന്റെ അംശത്തെ വർധിപ്പിക്കുമെന്നതിനാൽ മൂത്രം പരിശോധിക്കുന്നതിനു മുമ്പ്‌ മൂന്നു ദിവസം അത്‌ ഒഴിവാക്കേണ്ടതാണ്‌.

മൂത്രത്തിൽ arsenic 1000മൈക്രൊഗ്രം/ലിറ്റർ ഉണ്ടെങ്കിൽ അത്‌ അന്തരീക്ഷത്തിൽ 250 മൈക്രൊഗ്രം/ക്യുബിക്‌ മീറ്റർ കാണും എന്ന തോതിൽ കണക്കാക്കാം.

പണ്ടുണ്ടായിരുന്ന arsenic exposure ന്റെ അളവറിയുവാൻ രോമത്തിലുള്ള അളവ്‌ പരിശോധിച്ചാൽ മതി.

arsenic, ഒരു ക്യാൻസർ ഉൽപാദിപ്പിക്കുന്നതോ ഉൽപാദനത്തെ സഹായിക്കുന്നതോ ആയ വസ്തുവായി പരിഗണിക്കപ്പെട്ടിരിക്കുന്നതിനാൽ, അതുമായി ബന്ധപ്പെട്ട ജോലികളിൽ ഏർപ്പെട്ടിരിക്കുന്നവർ തങ്ങൾക്കു നൽകിയിട്ടുള്ള Personal Protective equipments വേണ്ട രീതിയിൽ ഉപയോഗിക്കുകയും, നിർദ്ദേശങ്ങൾ വേണ്ടവണ്ണം പാലിക്കുകയും ചെയ്യേണ്ടത്‌ അത്യാവശ്യമാണ്‌.

കറുത്തീയം - നിങള്‍ അപകടത്തിലാണോ

Ceramics, pottery, tile തുടങ്ങിയ തൊഴിൽ മേഖലകളിലും, storage battery നിർമ്മാണം, welding, Petrol Blending, Painting, Scrap work, smelting എന്നീ മേഖലകളിലും തൊഴിൽ ചെയ്യുന്നവർ അവശ്യം അറിഞ്ഞിരിക്കേണ്ട ചില കാര്യങ്ങൾ പറയാം.

(ഇവർ മാത്രമല്ല കേട്ടോ- ഇവർക്ക്‌ കൂടുതൽ അപകടമുണ്ടെന്നു മാത്രം . ബാക്കിയുള്ളവർ ഇവരാണ്‌- electrical cable manufacturing, pipe production, roof covering, sealing joints, coating metal (weather proofing)with red Lead, chemical industries lining containers for sulphuric acid - എന്നു തുടങ്ങി നീളുന്നു ആ പട്ടിക)

നിങ്ങൾ പലപ്പോഴും കൈകാര്യംചെയ്യുന്ന വസ്തുക്കളിൽ "കറുത്തീയം" (Lead) അടങ്ങിയിട്ടുണ്ട്‌, അഥവാ നിങ്ങളുടെ തൊഴിൽപരമായ സ്ഥലത്ത്‌ അന്തരീക്ഷത്തിൽ ഇതിന്റെ അംശം ഉണ്ട്‌.
അതുകൊണ്ടെന്താണെന്നല്ലേ?
പറയാം കറുത്തീയം വളരെ അപകടങ്ങൾ ഉണ്ടാക്കുന്ന ഒരു വിഷപദാർഥമാണ്‌.
Melting Point 327ഉം Boiling Point 1620 ഡിഗ്രി സെന്റിഗ്രേഡാണെന്നും വിചാരിച്ച്‌ സമാധാനിക്കണ്ടാ - കാരണം അവൻ 550-600 ഡിഗ്രിയിൽ തന്നെ evaporate ചെയ്ത്‌ അന്തരീക്ഷത്തിലെത്തിക്കൊള്ളും. അവിടെയുള്ള Oxygenഉമായി ചേർന്ന്‌ lead oxide ആകും

ശരീരത്തിനുള്ളിലേക്ക്‌ ഇവൻ കടക്കുന്നത്‌ രണ്ടു വഴികളിലൂടെ ആണ്‌-
1. ശ്വാസം വഴി,
2. വായ വഴി.

കേൾക്കുമ്പോൾ തോന്നും ആദ്യത്തേത്‌ അപകടം ഇല്ല എന്ന്‌. എന്നാൽ അങ്ങനെ അല്ല അതാണ്‌ കൂടുതൽ അപകടം.
കാരണം ആഗിരണത്തിനുള്ള പ്രതലം (surface area ) ശ്വാസകോശത്തിന്റെത്‌ ഏകദേശം 75- 100 sq. meter ആണ്‌. അപ്പോൾ വായുവിലുള്ള കറുത്തീയത്തിന്റെ അംശം വളരെ അധികം വലിച്ചെടുക്കപ്പെടുന്നു- ഏകദേശം 10- 30%. വായിൽ കൂടീ അകത്ത്‌ ചെല്ലുന്നതിൽ 5-10% ആഗിരണം ചെയ്യപ്പെടുന്നു.

ശ്വാസത്തിൽ കൂടി അകത്തുകടക്കുന്നവയിൽ, വലിയ മാത്രയിലുള്ള കണങ്ങൾ (10 micronൽ കൂടുതൽ വലിപ്പമുള്ളവ ശ്വാസനാളികളിലുള്ള സുരക്ഷാപ്രവർത്തങ്ങളുടെ ഫലമായി തിരികെ തൊണ്ടയിലെത്തുകയും അവിടെ നിന്ന്‌ ആഹാരനാളം (Oesophagus) വഴി ആമാശയത്തിൽ എത്തുകയും ചെയ്യാം.

രക്തത്തിലുള്ള കറുത്തീയത്തിന്റെ 95% ഭാഗവും ചുവന്ന രക്താണുക്കളിലാണ്‌ കാണുക. (പൊതുവേ ഇവൻ നഖം, അസ്ഥികൾ, പല്ല്‌, മുടി തുടങ്ങി കട്ടിയുള്ള ഭാഗങ്ങളിലും, മജ്ജ, ഞരമ്പുകൾ, വൃക്ക, കരൾ തുടങ്ങിയ മൃദുവായ ഭാഗങ്ങളിലും കാണപ്പെടും. ഇവയിൽ; മൃദുവായ ഭാഗങ്ങളിൽ നിന്നുമാണ്‌ ഇവന്റെ അപകടകരമായ പ്രവർത്തനം.

വിസർജ്ജനം മൂത്രത്തിൽ കൂടിയും മലത്തിൽ കൂടിയും നടക്കുന്നു. വിസർജ്ജ്യമായതിൽ 75-80% മൂത്രത്തിൽ കൂടിയും ബാക്കി മലത്തിൽ കൂടിയും ആണ്‌.

അകത്തു ചെന്നുപെട്ടാൽ ഇവൻ ദഹനവ്യവസ്ഥ, നാഡീവ്യൂഹം, രക്തം, വൃക്ക തുടങ്ങി പലഭാഗങ്ങളേയും അപകടപ്പെടുത്തും.

കഠിനമായ വയറുവേദന ഒരു പ്രധാനലക്ഷണമാണ്‌. അതിനോടനുബന്ധമായി മലബന്ധവും വയറുവേദന പലപ്പോഴും പൊക്കിളിനു ചുറ്റുമായിട്ടോ പൊക്കിളിനു താഴെയോ അനുഭവപ്പെടുന്നു.

നാഡീവ്യൂഹം തകരാറിലാക്കുന്ന ഇവൻ കുട്ടികളേയും , തരുണന്മാരേയും കൂടുതൽ ആക്രമിക്കുന്നു. - (കൂട്ടത്തിൽ വെള്ളമടി (alcohol) ഉണ്ടെങ്കിൽ അതു വളരെ അപകടകരമാണ്‌)

convulsive, comatose or delirious encephalopathy ഇവയൊക്കെ ഇവന്റെ സംഭാവനയിൽ പെടുന്നു.
ചിലപ്പോൽ ഭയാനകമായ സ്വപ്നങ്ങൾ കാണുന്നതു തുടങ്ങി ചിത്തഭ്രമം വരെ എത്തിപ്പെടാം.

ഒരു തവണ ഉണ്ടായാൽ ചിലപ്പോൾ ഇവയൊന്നും പൂർണ്ണമായി മാറിയില്ലെന്നും വരാം

പഴക്കം ചെന്നാൽ വൃക്കളുടെ പ്രവർത്തനത്തേയും ഇവൻ തടസ്സപ്പെടുത്തിയേക്കാം അതായത്‌ കറുത്തീയത്തിനെ വിസർജ്ജനത്തിന്റെ തോതു കുറഞ്ഞു പോകുന്നു, തന്മൂലം അകത്തുള്ളതിന്റെ അളവു കൂടുകയും വിഷഫലങ്ങൾ അനുഭവപ്പെടുകയും ചെയ്യും
.

അപ്പോൾ നിങ്ങൾ ജോലി ചെയ്യുന്ന സ്ഥലത്ത്‌ വായുവിൽ ഇവന്റെ അളവു എത്രയുണ്ട്‌ എന്നറിയുവാൻ നിങ്ങൾക്ക്‌ അവകാശമുണ്ട്‌.
അത്‌ നിങ്ങാൾ ശ്വസിക്കുവാനിടവരുന്നു എങ്കിൽ നിങ്ങൾ അപകടകരമായ അവസ്ഥയിലാണൊ അല്ലയോ എന്നറിയുവാൻ അതു സഹായിക്കും.
അന്തരീക്ഷത്തിലെ അളവ്‌ Fixed- station air monitoring,or personal monitoring നടത്തി മനസ്സിലാക്കാം.

അന്തരീക്ഷത്തിൽ 0.001 മുതൽ 0.15 mg/cubic meter of air ആണ്‌ അനുവദനീയമായ അളവ്‌.

അല്ലെങ്കിൽ രക്തം മൂത്രം ഇവ പരിശോധിച്ച്‌ നോക്കാം. (once in 3-6 months)

രക്തത്തിലുള്ള delta amino levulinic acid dehydratase എന്ന enzyme ന്റെ പ്രവർത്തനം ഇവൻ മന്ദിപ്പിക്കുന്നതിനാൽ രക്തത്തിൽ lead, protoporphyrin എന്നിവയുടെയും മൂത്രത്തിൽ delta ALA, coproporphyrin എന്നിവയുടെയും അളവ്‌ നോക്കാം.


WHO പ്രകാരം രക്തത്തിൽ lead , 400 microgram/Litre ആണുങ്ങൾക്കും 300 microgram/Litre സ്ത്രീകൾക്കും അനുവദിച്ചിരിക്കുന്നു.

ഇതൊക്കെ പൊതുവായ കാര്യം , എന്നാൽ ജോലി ചെയ്യുന്നത്‌ നമ്മളാണ്‌, നമ്മുടെ ആരോഗ്യം നോക്കേണ്ടത്‌ നമ്മുടെ കടമയാണ്‌ അല്ലെങ്കിൽ അനുഭവിക്കേണ്ടി വരുന്നതും നമ്മൾ തന്നെ ആണ്‌ അതിനാൽ നമുക്കു തന്നിട്ടുള്ള Personal Protective Equipments അവർ പറയുന്നതുപോലെ ഉപയോഗിക്കുവാൻ ശീലിക്കുക . അല്ലാതെ തല എന്റേതാണ്‌ ഹെൽമെറ്റ്‌ ധരിക്കാത്തതുകൊണ്ട്‌ അതങ്ങു പോയാൽ അവനെന്തു ചേതം എന്ന രീതിയിൽ ചിന്തിക്കാതിരിക്കുക

ആയുര്‍വേദത്തില്‍ രോഗങ്ങള്‍

ആയുര്‍വേദത്തില്‍ എല്ലാ രോഗങ്ങളും ചികില്‍സിച്ചു ഭേദപ്പെടുത്താം എന്നു പറയുന്നുണ്ടോ? ചിലരുടെ വാദങ്ങളും പരസ്യങ്ങളും കേള്‍ക്കുമ്പോള്‍ അങ്ങനെ തോന്നാം. പല പാവങ്ങളും അതില്‍ വീണുപോകാന്‍ വഴിയുണ്ട്‌ അതിനാല്‍ ആയുര്‍വേദഗ്രന്ഥങ്ങള്‍ ഇതില്‍ എന്താണ്‌ പറയുന്നത്‌ എന്നു നോക്കാം.

രോഗങ്ങളേ വിഭജിക്കുന ഭാഗത്ത്‌ പറയുന്ന രണ്ടു മൂന്നു വരികള്‍ നോക്കുക-

"സാദ്ധ്യോസാദ്ധ്യ ഇതി വ്യാധിര്‍
ദ്വിധാ തൗ തു പുനര്‍ദ്വിധാ
സുസാധ്യകൃഛ്രസാധ്യശ്ച
യാപ്യോ യശ്ചാനുപക്രമഃ"

സാധ്യഃ അസാധ്യഃ ഇതി വ്യാധിഃ ദ്വിധാ = വ്യാധികള്‍ -രോഗങ്ങള്‍ സാധ്യം എന്നും അസാധ്യം എന്നും രണ്ടു തരത്തിലുണ്ട്‌.
സാധ്യം എന്നത്‌ ചികില്‍സിച്ചുഭേദപ്പെടുത്തുവാന്‍ സാധിക്കുന്നവയും അസാധ്യം എന്നത്‌ ചികില്‍സിച്ചുഭേദപെടുത്തുവാന്‍ സാധിക്കാത്തവയും ആണ്‌.
തൗ തു പുനഃ ദ്വിധാ - അവ തന്നെ പിന്നെയും ഈരണ്ടു തരത്തിലുണ്ട്‌
സുസാധ്യഃ കൃഛ്രസാധ്യഃ ച - സാദ്ധ്യം എന്ന വിഭാഗം സുഖസാധ്യം കൃഛ്രസാധ്യം എന്നിങ്ങനെ രണ്ടുതരവും
യാപ്യഃ യഃ ച അനുപക്രമഃ - അസാധ്യം എന്ന വിഭാഗം യാപ്യം എന്നും അനുപക്രമം എന്നിങ്ങനെ രണ്ടു തരവും

സുഖസാധ്യം എന്നത്‌ സാധാരണ അര്‍ഥം തന്നെ സുഖമായി ചികില്‍സിച്ചുഭേദപ്പെടൂത്തുവാന്‍ സാധിക്കുന്നവ.
കൃഛ്രസാധ്യം എന്നത്‌ ശസ്ത്രക്രിയാദികര്‍മ്മങ്ങളോ രസായനപ്രയോഗാദി കര്‍മ്മങ്ങളോ ഒക്കെ പോലെയുള്ള കഠിനചികില്‍സകള്‍ വേണ്ടി വരുന്നവ.

യാപ്യം എന്നത്‌ - മരുന്നു കഴിച്ച്‌ രോഗത്തിനെ വരുതിയില്‍ നിര്‍ത്തി ആയുസ്സ്‌ നീട്ടികൊണ്ടുപോകാന്‍ മാത്രം സാധിക്കുന്നവ

അനുപക്രമം എന്നത്‌ യാതൊരു രീതിയിലും തടയുവാന്‍ സാധിക്കാതെ മരണത്തില്‍ കലാശിക്കുന്നവ.

ഇനി പറയൂ പരസ്യക്കാര്‍ പറയുന്നതോ ഇതോ വിശ്വസിക്കേണ്ടത്‌?

സുകുമാരകവിയുടെ ശ്രീകൃഷ്ണവിലാസം എന്ന കാവ്യം മേടിക്കുവാന്‍ ഞാന്‍ കുറെ നാള്‍ മുമ്പു ശ്രമിച്ചു നോക്കി. എന്നാല്‍ അത്‌ ലഭിക്കുവാനില്ല. അതുകൊണ്ട്‌ ആ കാവ്യം വായിക്കണം എന്നാഗ്രഹമുള്ളവര്‍ക്കുവേണ്ടി അത്‌ മുഴുവനായി ഒരു ബ്ലോഗില്‍ പോറ്റ്‌ ചെയ്യുന്നു. അറ്റ്‌ ഇക്കാണുന്ന പ്രകാരം വിശദമായി ചെയ്യണമെന്നുണ്ടായിരുന്നു. എന്നാല്‍ ചെയ്തു വച്ച കുറെ ഏറെ ഭാഗങ്ങള്‍ ചില virus attack കാര്‍ണം എന്റെ PC യില്‍ നിന്നും പൊയ്പ്പോയതിനാല്‍ ശ്ലോകം മാത്രമായി കൊടുക്കുന്നു

ഇതാണ്‌ ബ്ലോഗ്‌

http://sreekrishnavilasam.blogspot.com8-9 പോസ്റ്റുകളായി അറ്റ്‌ഹു മുഴുവനും ഇട്ടിട്ടുണ്ട്‌

ഭാരം വഹന്തി ധനിനാം വശഗാ ഭവന്തി

ഭാരം വഹന്തി ധനിനാം വശഗാ ഭവന്തി
നീചം നമന്തി നിയമേന മൃഷാ വദന്തി
പാരം തരന്തി ജലധേഃ പരിതോ ഭ്രമന്തി
പ്രാദേശ കുക്ഷിപരിപൂരണപാരവശ്യാത്‌

ഭരം വഹന്തി = ഭരം ചുമക്കുന്നു
ധനിനാം വശഗാ ഭവന്തി= ധനവാന്മാര്‍ പറയുന്നത്‌ അനുസരിക്കേണ്ടി വരുന്നു
നീചം നമന്തി = നീചന്മാരെ ബഹുമാനിച്ച്‌ ഓഛാനിച്ചു നില്‍ക്കേണ്ടി വരുന്നു
നിയമേന മൃഷാ വദന്തി = നിത്യവും കള്ളം പറയേണ്ടി വരുന്നു.
പാരം തരന്തി ജലധേഃ = സമുദ്രം കടന്നു പോകേണ്ടി വരുന്നു
പരിതഃ ഭ്രമന്തി = ചുറ്റും പ്രദക്ഷിണം വയ്ക്കേണ്ടി വരുന്നു
കുക്ഷിപരിപൂരണപാരവശ്യാത്‌= വയറ്റുപിഴപ്പിനുവേണ്ടി

ഇതൊക്കെ വയറ്റുപിഴപ്പിനു മറ്റു മാര്‍ഗ്ഗമില്ലാത്തവരെ സംബന്ധിച്ചിടത്തോളം നിര്‍ബന്ധമായി വന്നേക്കാം. കാരണം
"ശരീരമാദ്യം ഖലു ധര്‍മ്മസാധനം"
ധര്‍മ്മങ്ങളായ കാര്യങ്ങളൊക്കെ നടത്തണം എന്നുണ്ടെങ്കില്‍ ആദ്യം നിലനിര്‍ത്തേണ്ടത്‌ ശരീരമാണ്‌, ശരീരമില്ലെങ്കില്‍ പിന്നെന്തു ധര്‍മ്മം?

"ജനസ്യാശയമാലക്ഷ്യ യോ യഥാ പരിതുഷ്യതി
തം തഥൈവാനുവര്‍ത്തേത പരാരാധനപണ്ഡിതഃ"

ജനസ്യ ആശയം ആലക്ഷ്യ = ജനത്തിന്റെ മനസ്സിനെ അറിഞ്ഞ്‌
യോ യഥാ പരിതുഷ്യതി= ആരൊക്കെ ഏതൊക്കെ വിധം ചെയ്താല്‍ സന്തോഷിക്കുമോ
തം തഥൈവ അനുവര്‍ത്തേത = അതിനെ അപ്രകാരം തന്നെ അനുഷ്ഠിക്കുക
പരാരാധനാണ്ഡിതഃ = മറ്റുള്ളവരെ ആരാധിക്കുന്നതില്‍ മിടുക്കനായവന്‍

ഇതു പക്ഷേ വയറ്റുപിഴപ്പിനു വേണ്ടി മാത്രമല്ല, അല്‍പം കടന്ന കയ്യാണ്‌

പക്ഷേ വിഭീഷണനെ പോലെയുള്ളവര്‍ക്ക്‌ യോജിച്ചത്‌. അനുകൂലമായ സാഹചര്യം മുതലെടുത്ത്‌ തന്റെ ഭാഗം മെച്ചപ്പെടുത്തുക, അതിനുവേണ്ടി തന്റെ ജ്യേഷ്ഠനെ ആയാല്‍ പോലും കൊലക്കു കൊടുക്കുവാന്‍ മടിയില്ലാത്ത തരം ആളുകള്‍ക്ക്‌.

എന്നാല്‍ നമ്മള്‍ ബ്ലോഗ്‌ ചെയ്യുന്നത്‌ ഈ രണ്ടു കാര്യങ്ങള്‍ക്കു വേണ്ടിയും അല്ലല്ലൊ ആണോ?

സാമാന്യം വയറ്റുപിഴപ്പിന്‌ മറ്റു വഴി ഉള്ളവരാണ്‌ ബ്ലോഗ്‌ ചെയ്യുന്നത്‌ എന്നാണ്‌ എന്റെ വിശ്വാസം.

മറ്റേ ഭാഗം അത്ര തീര്‍ത്തറിയില്ല -

നാം എന്തെഴുതണം എന്നു തീരുമാനിക്കുന്നത്‌ നാം തന്നെ ആണ്‌, അത്‌ വേറോരാള്‍ പറഞ്ഞു തരേണ്ട കാര്യമില്ല. എന്തു കമന്റിടണം , എന്തു ചോദിക്കണം, എന്തു ചോദിക്കരുത്‌ എന്നൊക്കെ തീരുമാനിക്കുവാന്‍ നമുക്ക്‌ സ്വാതന്ത്ര്യം ഇല്ലേ?

എന്റെ ബുദ്ധിയില്‍ തോന്നുന്നതല്ലേ എനിക്ക്‌ എഴുതുവാന്‍ സാധിക്കൂ. അത്‌ വേറൊരാള്‍ക്ക്‌ തെറ്റാണെന്നു തോന്നിയേക്കാം, അയാള്‍ക്ക്‌ അതിനെ വിമര്‍ശിക്കുകയും ചെയ്യാം.

ഞാന്‍ ഏതു രീതിയില്‍ എഴുതുന്നുവോ അതിനനുസൃതമായ വിമര്‍ശനം ഞാന്‍ പ്രതീക്ഷിച്ചേ പറ്റൂ. അല്ലാതെ ഞാന്‍ തോന്ന്യവാസമെഴുതും എല്ലാവരും അതു കേട്ടു മിണ്ടാതിരുന്നോണം എന്നു വിചാരിച്ചാല്‍ അത്‌ സംഭാവ്യമാണോ?

വിദ്യ, അവിദ്യ

ദേവന്‍ ജി വിദ്യ, അവിദ്യ എന്നിവയെ കുറിച്ചു ചോദിച്ചല്ലൊ. എനിക്കറിയാവുന്നതുപോലെ ചിലതുപറയുവാന്‍ ശ്രമിക്കാം. (ദേവന്‍ അടുത്തെങ്ങും റായ്‌പ്പൂര്‍ ഭാഗത്തേക്കെങ്ങും വരില്ല എന്ന ഉത്തമവിശ്വാസത്തോടെ- വന്നാല്‍ ഓടാനുള്ള ആരോഗ്യം കഷ്ടിയാണേ)

ഞാന്‍ മുമ്പ്‌ ഒരു പോസ്റ്റില്‍ എഴുതിയിരുന്നു ഹരിശ്രീ എഴുതി പഠിക്കുന്ന കാര്യം. ഹരി എന്നുച്ചരിക്കുന്ന ശബ്ദം - അതിന്‌ യഥാര്‍ത്ഥത്തില്‍ രൂപമുണ്ടോ? ഇല്ല എന്നാല്‍ നാം ഒരു വര വരച്ച്‌ അതിനൊരു രൂപം കൊടുക്കുന്നു. അത്‌ ഹരി എന്നാണ്‌ എന്നു സങ്കല്‍പ്പിച്ച്‌ പഠനം തുടങ്ങുന്നു.
അതായത്‌ ഒരു കള്ളത്തെ ആശ്രയമായി ആദ്യം എടുക്കുന്നു. അതിന്റെ സഹായത്തോടു കൂടി പിന്നീട്‌ അത്‌ കള്ളമാണെന്നു മനസിലാക്കുന്നു.
വിദ്യ എന്ന പദം പിരിച്ചാല്‍ വിദ്‌ യഃ എന്നു കിട്ടും

വിദ്‌ ജ്ഞാനേ = വിദ്‌ എന്ന ധാതു ജ്ഞാനം എന്ന അര്‍ത്ഥത്തില്‍ ഉപയോഗിക്കുന്നു.
വിദ്‌ല്‌ ലാഭേ ച = വിദ്‌ല്‌ ധാതു ലാഭം എന്ന അര്‍ത്ഥത്തിലും ഉണ്ട്‌
അപ്പോള്‍ ജ്ഞാനം ലഭിക്കുന്നു എന്ന അര്‍ത്ഥം ഈ ശബ്ദത്തിന്‌ വരുന്നു. യഃ എന്നത്‌ യാതൊന്ന്‌ എന്നര്‍ത്ഥം തരുന്നു.

എല്ലാം കൂടിച്ചേര്‍ന്നാല്‍ യാതൊന്ന്‌ ജ്ഞാനം തരുന്നു അതാണ്‌ വിദ്യ.
അതിനെതിരായത്‌ അവിദ്യ.

ഇനി ഇതിനെ നിര്‍വചിക്കുവാന്‍ സാധിക്കുമോ? ബുദ്ധിമുട്ടാണ്‌
എന്നാല്‍ ഒരുദാഹരണം കൊണ്ട്‌ ഇവയെ ഒന്നു വിശദമാക്കുവാന്‍ ശ്രമിക്കാം.

പ്രൊഫസ്സര്‍ ജി. ബാലകൃഷ്ണന്‍ നായരുടെ വേദാന്തദര്‍ശനം എന്ന ഗ്രന്ഥത്തില്‍ ഈശാവാസ്യോപനിഷത്തിന്റെ 9,10,11 മന്ത്രങ്ങളുടെ വ്യാഖ്യാനത്തില്‍ കൊടുത്ത ഭാഗം അങ്ങനെ തന്നെ പകര്‍ത്തുന്നു

"ഒരു പ്രാസാദത്തിന്റെ മുകള്‍ത്തട്ടു പോലെയാണ്‌ സത്യം എന്നു കരുതുക. മുകളിലെത്താന്‍ ഇരുപതു കോണിപ്പടികള്‍ ഉണ്ടെന്നും കരുതുക. ഇവിടെ പത്താമത്തെ കോണിപ്പടിയില്‍ നില്‍ക്കുന്നയാള്‍ക്ക്‌ തട്ടിനഭിമുഖമായുള്ള പതിനൊന്നാമത്തെ കോണിപ്പടി മുതല്‍ മുമ്പോട്ടുള്ളതെല്ലാം വിദ്യയാണ്‌. പത്തുമുതല്‍ താഴോട്ടുള്ളവ അവിദ്യ. അയാള്‍ പതിനഞ്ചാമത്തെ പടിയിലെത്തിയാല്‍ പതിനാറു മുതല്‍ മുമ്പോട്ടുള്ളവ വിദ്യയും പതിനഞ്ചുമുതല്‍ താഴോട്ടുള്ളവ അവിദ്യയുമായി മാറുന്നു. ഇരുപതാമത്തെ പടിയും കടന്ന്‌ മുകള്‍ത്തട്ടിലെത്തിയാല്‍ പടികളെല്ലാം അവിദ്യയായി മാറുന്നു. ചുരുക്കത്തില്‍ വഴിയില്‍ നില്‍ക്കുന്ന ഒരാള്‍ക്ക്‌ വിദ്യാവിദ്യാ സങ്കല്‍പം സാപേക്ഷമാണ്‌. അതുകൊണ്ടയാള്‍ വിദ്യാവിദ്യകളെ ഒരുമിച്ചറിയണം. മാര്‍ഗ്ഗത്തില്‍ ഒറേയിടം തന്നെ ഒരാള്‍ക്ക്‌ വിദ്യയും മറ്റൊരാള്‍ക്ക്‌ അവിദ്യയുമാകാം"

ഇത്ര സുന്ദരമായി മറ്റൊരിടത്ത്‌ ഇതു വ്യാഖ്യാനിച്ചിട്ടുണ്ടെന്നു തോന്നുന്നില്ല.

മന്ത്രം 9.

"അന്ധം തമഃ പ്രവിശന്തിയേ അവിദ്യാമുപാസതേ
തതോ ഭൂയ ഇവ തേ തമോ യ ഉ വിദ്യായാം രതാഃ"

"ആരൊക്കെയാണോ പലതു സത്യമെന്നു കരുതിസുഖത്തിനായി അവയുടെ പിന്നാലെ പറ്റിക്കൂടുന്നത്‌ അവര്‍ കൂരിരുട്ടില്‍ തങ്ങാനിടവരുന്നു. ഇനിയും ആരൊക്കെയാണോ വിദ്യാമാര്‍ഗ്ഗത്തിലെ അത്ഭുതസിദ്ധികളില്‍ ഭ്രമിച്ചു രമിച്ചുപോകുന്നത്‌ അവര്‍ അതിനെക്കാള്‍ കട്ടികൂടിയപോലെയുള്ള ഇരുട്ടില്‍ അകപ്പെടാന്‍ ഇടവരുന്നു"

ഇവിടെ അഷ്ടൈശ്വര്യസിദ്ധികളെയാണ്‌ പരാമര്‍ശിക്കുന്നത്‌. ആ സിദ്ധികള്‍ ലഭിക്കുന്നതോടുകൂടി അവര്‍ അതില്‍ ഭ്രമിക്കുകയും തങ്ങളുടെ ലക്ഷ്യം മറക്കുകയും ചെയ്യുന്നു- അങ്ങനെ ഇരുട്ടില്‍ അകപ്പെടുന്നു - അതിനാണ്‌ മുമ്പു പറഞ്ഞത്‌ പരമമായ ലക്ഷ്യം ജ്ഞാനലബ്ധിയാണെന്ന്‌ തീരുമാനിച്ചുറച്ച്‌ ജീവിതം ഒരു തപസ്യയാക്കണം എന്ന്‌.

ഇതിനെ ശ്രീ ശങ്കരാചാര്യര്‍ ഒരു കഥയില്‍ ഇങ്ങനെ പറയുന്നതായി ലേഖകന്‍ പറയുന്നു -"ശ്രീ ശങ്കരഭഗവത്‌പാദര്‍ ഇക്കൂട്ടരെ മരത്തില്‍ പകുതികയറി താഴെ വീഴുന്നവരോടാണുപമിച്ചിരിക്കുന്നത്‌. മരച്ചുവട്ടില്‍ നിന്ന രണ്ടുപേര്‍ മുകളില്‍ മനോഹരമായ ഒരു ഫലം പാകമായി നില്‍ക്കുന്നതുകണ്ടു. ഒരാള്‍ മരത്തില്‍ കയറാന്‍ കഴിയില്ലെന്നു തീരുമാനിച്ചു ചുവട്ടില്‍ തന്നെ നിലയുറപ്പിച്ചു. അയാളാണ്‌ അവിദ്യാമാര്‍ഗ്ഗി. മറ്റേയാള്‍ ഫലം കൈക്കലാക്കുവാനായി മുകളിലേക്കുകയറി. ഇടയ്ക്ക്‌ മരക്കൊമ്പിലിരുന്നല്‍പം ഉറങ്ങിപ്പോയി. ഇതാണു വിദ്യാരതി. പക്ഷെ ഉറക്കത്തിനിടയില്‍ നിലം പതിച്ചു ദേഹത്തിനു കേടുപാടുകള്‍ സംഭവിച്ചു. മരത്തില്‍ കയറാതിരുന്നയാള്‍ക്ക്‌ ഫലംകിട്ടിയില്ലെന്നേയുള്ളു, ദേഹത്തിനു കേടുപാടൊന്നും സംഭവിച്ചില്ല. മരക്കൊമ്പിലിരുന്നുറങ്ങിയ ആള്‍ക്ക്‌ ഫലം കിട്ടിയില്ലെന്നു മാത്രമല്ല നിലം പതിച്ചു ദുഃഖിക്കേണ്ടിയും വന്നു"

ഐതരേയോപനിഷത്തിന്റെ ശാന്തിമന്ത്രഭാഷ്യത്തിലും ശ്രീശങ്കരാന്റേതായി ലേഖകന്‍ പറയുന്ന ഈ വാക്കുകള്‍ "
"ചിപ്പിയില്‍ വെള്ളിയുടേയും ചിപ്പിയുടേയും ജ്ഞാനം ഒരേ സമയത്ത്‌ ഒരു പുരുഷനു സംഭവിക്കാത്തതുപോലെ അവിദ്യയെന്നും വിദ്യയെന്നും അറിയപ്പെടുന്നത്‌ രണ്ടും അത്യന്തം വിപരീതങ്ങളായ ഗതികളെ അവലംബിക്കുന്നവയാണ്‌. എന്നു കഠോപനിഷത്ത്‌ പ്രഖ്യാപിക്കുന്നു. അതുകൊണ്ട്‌ വിദ്യയുള്ളപ്പോള്‍ അവിദ്യയ്ക്കു പ്രസക്തിയേ ഇല്ല. -----വിദ്യയെ ജനിപ്പിക്കാനുള്ള തപസ്‌, ഗുരൂപാസനം തുടങ്ങിയ കര്‍മ്മം അവിദ്യാരൂപമാണ്‌. അതുകൊണ്ട്‌ വിദ്യയെ ജനിപ്പിച്ചിട്ട്‌ മൃത്യുവിനെ എളുപ്പം കടക്കുന്നു"

ഈശാവാസ്യത്തിലെ 11ആം മന്ത്രം പ്രൊഫ വ്യാഖ്യാനിച്ചിരിക്കുന്നത്‌ നോക്കുക-

"വിദ്യാം ചാവിദ്യാം ച യസ്തദ്വേദോഭയം സഹ
അവിദ്യയാ മൃത്യും തീര്‍ത്വാ വിദ്യയാമൃതമശ്നുതേ

ഏതു വിദ്യാമാര്‍ഗ്ഗിയാണൊ വിദ്യയേയും അവിദ്യയേയും ഒരുമിച്ചറിയുന്നത്‌ അയാള്‍ അവിദ്യയെയറിഞ്ഞ്‌ പതനരൂപമായ മരണത്തെക്കടന്ന്‌, വിദ്യയെയറിഞ്ഞ്‌ മരണമില്ലാത്ത പൂര്‍ണ്ണസത്യത്തെ അനുഭവിക്കുന്നു."

കഠോപനിഷത്‌ - തുടര്‍ച്ച

"അണോരണീയാന്‍ മഹതോ മഹീയാന്‍
ആത്മാസ്യ ജന്തോര്‍ന്നിഹിതോ ഗുഹായാം
തമക്രതുഃ പശ്യതി വീതശോകോ
ധാതുപ്രസാദാന്മഹിമാനമാത്മനഃ"

ആത്മാ: അണോഃ അണീയാന്‍ = ആത്മാവ്‌ സൂക്ഷ്മങ്ങളില്‍ വച്ചു സൂക്ഷ്മമാണ്‌
മഹതഃ മഹീയാന്‍ = മഹത്തുക്കളില്‍ വച്ച്‌ - സ്ഥൂലങ്ങളില്‍ വച്ച്‌ മഹത്തും (സ്ഥൂലവും) ആണ്‌.
അസ്യ ജന്തോഃ ഗുഹായാം നിഹിതം= ജീവനുള്ളവയിലൊക്കെ ഹൃദയഗുഹയില്‍ സ്ഥിതിചെയ്യുന്നു.
തം =ആ ആത്മാവിനെ
അക്രതുഃ പശ്യതി= ഭൗതികകാമങ്ങള്‍ വെടിഞ്ഞവന്‍ കാണുന്നു.
ധാതുപ്രസാദാത്‌ വീതശോകഃ = മനസ്സും ഇന്ദ്രിയങ്ങളും പ്രസന്നങ്ങളായി, ശോകത്തെ വെടിഞ്ഞ്‌
ആത്മനഃ മഹിമാനം = താനും ഇക്കാണുന്ന സകലചരാചരങ്ങളും ഒന്നുതന്നെ എന്നുള്ള മാഹാത്മ്യത്തെ കാണുന്നു.

സൂക്ഷ്മമായതോ സ്ഥൂലമായതോ എന്തു തന്നെ ആയാലും ആത്മാവല്ലാതെ മറ്റൊരു വസ്തു ഇല്ല എന്നുള്ള സത്യം ഇവിടെ തുറന്നു പറയുന്നു. ഉള്ളതെല്ലാം ആത്മാവു തന്നെ. അതല്ലാതെ മറ്റൊരു വസ്തു ഇല്ല.
ആ ആത്മാവോ തന്റെ തന്നെ ഉള്ളിലുണ്ടു താനും , എന്നാല്‍ താന്‍ അതറിയുന്നില്ല. പിന്നെ പുറമേ അന്വേഷിക്കുകയാണ്‌.
ഉള്ളില്‍ എന്നു പറഞ്ഞതുകൊണ്ട്‌ - വിവക്ഷിക്കുന്നത്‌ - root cause - എന്നായിരിക്കണം- അല്ലാതെ ഹൃദയഗുഹയില്‍ മറ്റൊരു വസ്തുവായി ഇരിക്കുന്നു എന്നല്ല. ഏറ്റവും പ്രാഥമികമായത്‌ എന്നര്‍ത്ഥം.

അതിനെ കാണുവാനുള്ള ഉപായവും പറയുന്നു- കാമത്തെ ഹനിച്ചവന്‍ കാണുന്നു. കാമനിഗ്രഹം - (ശിവന്‍ കാമദേവനെ നിഗ്രഹിച്ച കഥയും ഓര്‍ക്കുക - വാക്കുകള്‍ക്കൊക്കെ പ്രത്യേകതകള്‍ ഉണ്ട്‌ സംസ്കൃതത്തില്‍) കാമങ്ങളെ നിഗ്രഹിച്ച്‌ ഇന്ദ്രിയങ്ങളെയും മനസ്സിനേയും അടക്കി കഴിഞ്ഞവന്‍ അവനെ കാണുന്നു.

ആ കാഴ്ചയില്‍ അവന്‌ ആത്മാവിന്റെ മഹിമ മനസ്സിലകുന്നു.

"ആസീനോ ദൂരം വ്രജതി
ശയാനോ യാതി സര്‍വതഃ
കസ്തം മദാമദം ദേവം
മദന്യോ ജ്ഞാതുമര്‍ഹതി"

ആസീനഃ = ഒരിടത്തിരുന്നുകൊണ്ട്‌
(ആത്മാ) ദൂരം വ്രജതി= ആത്മാവ്‌ അതിദൂരങ്ങളില്‍ സഞ്ചരിക്കുന്നു
ശയാനഃ = ഒരിടത്തു കിടന്നുകൊണ്ട്‌
സര്‍വതഃ യാതി = എല്ലായിടത്തും പോകുന്നു.
മദാമദം തം ദേവം= ചലിക്കുന്നവനും നിശ്ചലനുമായ ആ ദേവനെ
മദന്യഃ കഃ ജ്ഞാതും അര്‍ഹതി = നമ്മെ പോലെയുള്ള സൂക്ഷ്മബുദ്ധികളല്ലാതെ ആര്‌ അറിയുവാന്‍ അര്‍ഹരാകുന്നു?

ആത്മാവിനെ കുറിച്ചുള്ള അറിവ്‌ രണ്ടു തലങ്ങളില്‍ ആലോചിക്കാം.
സൂക്ഷ്മവും സ്ഥൂലവും. എറ്റവും സൂക്ഷ്മതലത്തില്‍ ശുദ്ധബോധസ്വരൂപം മാത്രം. അത്‌ നിശ്ചലമാണ്‌. അതിന്റെ വിരാട്‌ സ്വരൂപമാണ്‌ ഈ ജഗത്‌. കാനല്‍ ജലം കണുന്നതുപോലെ ഓരോരോ രൂപങ്ങള്‍ ഉള്ളതായും അതാണ്‌ വാസ്തവമെന്നും തോന്നുന്ന സ്ഥൂലസ്വരൂപം. അതു തന്നെ ആണ്‌ പ്രപഞ്ചം.

ഇവിടെ ആണ്‌ പ്രസിദ്ധമായ, കയറില്‍ പാമ്പിനെ കാണുന്ന ഉദാഹരണം വരുന്നത്‌. സന്ധ്യാനേരത്ത്‌, വളഞ്ഞു കിടക്കുന്ന ഒരു കയറു കണ്ടാല്‍ ചിലപ്പോള്‍ അത്‌ പാമ്പാണ്‌ എന്ന ഒരു ഭീതി ഉണ്ടാകാം. ഒരിക്കല്‍ അങ്ങനെ തോന്നി കഴിഞ്ഞാല്‍ പിന്നെ പാമ്പിന്റേതായ സകല ഭാവവിശേഷങ്ങളും നാം അതില്‍ ആരോപിക്കുന്നു.

നല്ല വെളിച്ചത്തില്‍ അത്‌ കയറാണ്‌ എന്നു തിര്‍ച്ചറിവുണ്ടായാല്‍ അതുവരെ കണ്ട പാമ്പ്‌ ഇല്ലാതെ ആകുന്നു. രണ്ട്‌ അവസ്ഥകളും തല്‍സമയങ്ങളില്‍ വാസ്തവം പോലെ ആണ്‌ തോന്നുന്നതും.
എന്നാല്‍ ഒരിക്കല്‍ അത്‌ കയറാണ്‌ എന്നു മനസ്സിലായാല്‍ പിന്നെ ആ ഭീതി ഒരിക്കലും ഉണ്ടാകുന്നില്ല.

അങ്ങനെ സത്യം ദര്‍ശിച്ച ധീരന്‍ ഭീതനാകുന്നില്ല എന്ന്‌ അടുത്ത മന്ത്രം.

"അശരീരം ശരീരേഷ്വനവസ്ഥേഷ്വവസ്ഥിതം
മഹാന്തം വിഭുമാത്മാനം മത്വാ ധീരോ ന ശോചതി"

ശരീരേഷു അശരീരം = ശരീരങ്ങളില്‍ ശരീരമില്ലാതെ വര്‍ത്തിക്കുന്നവനും
അനവസ്ഥേഷു അവസ്ഥിതം = അനിത്യവസ്തുക്കളില്‍ നിത്യസ്വരൂപനായി വര്‍ത്തിക്കുന്നവനും
മഹാന്തം വിഭും ആത്മാനം = മഹാനും, സര്‍വവ്യാപിയുമായ ആത്മാവിനെ
മത്വാ ധീരോ ന ശോചതി = അറിഞ്ഞിട്ട്‌ ധീരനായവന്‍ ദുഃഖത്തെ വെടിയുന്നു.

"നായമാത്മാ പ്രവചനേന ലഭ്യോ
ന മേധയാ ന ബഹുനാ ശ്രുതേന"
യമേവൈഷ വൃണൂതേ തേന ലഭ്യ
സ്തസ്യൈഷ ആത്മാ വിവൃണുതേ തനും സ്വാം

അയം ആത്മാ പ്രവചനേന ന ലഭ്യഃ= ഈ ആത്മജ്ഞാനം വേദപഠനം കൊണ്ട്‌ ലഭിക്കുകയില്ല.
ന മേധയാ = ബുദ്ധികൊണ്ട്‌ ലഭിക്കുകയില്ല
ന ബഹുനാ ശ്രുതേന = അതിനെ കുറിച്ച്‌ ധാരാളം കേട്ടതുകൊണ്ട്‌ ലഭിക്കുകയില്ല
ഏഷ യം ഏവ വൃണുതേ = യാതൊരു സത്യാന്വേഷി ഈ ആത്മാവിനെ തന്നെ പരമലക്ഷ്യമായി വരിക്കുന്നുവോ
തേന ലഭ്യഃ = അവന്‌ ലഭിക്കുന്നതാണ്‌.
തസ്യ = അങ്ങനെയുള്ളവന്‌
ഏഷ ആത്മാ = ഈ ആത്മാവ്‌
സ്വാം തനും വിവൃണുതേ = തന്റെ സ്വരൂപത്തെ മറനീക്കി തെളിച്ചു കൊടുക്കും.

കുറെയേറെ വേദപഠനം നടത്തിയതുകൊണ്ടോ, വായിച്ചു പഠിച്ചതു കൊണ്ടോ , കേട്ടു പഠിച്ചതുകൊണ്ടോ , അതീവ ബുദ്ധിമാനായതുകൊണ്ടോ ഒന്നും ഈ ആത്മജ്ഞാനം ലഭിക്കുകയില്ല. അതു ലഭിക്കണം എങ്കില്‍ ഒരു തപസ്യയായി തന്നെ ജീവിതം മാറ്റണം തന്റെ ജീവിതത്തിന്റെ ആത്യന്തികലക്ഷ്യം ആത്മജ്ഞാനപ്രാപ്തിയാണ്‌ എന്ന്‌ നിശ്ചയിക്കണം. അതിനെ ഒരു തപസായി അനുഷ്ഠിക്കണം. അതിനെ സ്വയം വരിച്ചാല്‍ അത്‌ നമുക്ക്‌ അതിന്റെ മറനീക്കി പ്രത്യക്ഷമാകും.
പക്ഷെ അതിനും ചില കടമ്പകളൊക്കെയുണ്ട്‌

"നാവിരതോ ദുശ്ചരിതാല്‍
നാശാന്തോ നാസമാഹിതഃ
നാശാന്തമനസോ വാപി
പ്രജ്ഞാനേനൈനമാപ്‌നുയാത്‌"

ദുരാചാരങ്ങളില്‍ നിന്നും പിന്തിരിയാത്തവനും, ഇന്ദ്രിയപ്രലോഭനങ്ങള്‍ക്ക്‌ വശംവദനായവനും, മനസ്സിന്‌ ഏകാഗ്രത ഇല്ലാത്തവനും, ഹൃദയചാഞ്ചല്യമുള്ളവനും ഒന്നും ആത്മാവ്നെ സാക്ഷാല്‍കരിക്കുവാന്‍ സാധിക്കുകയില്ല.

പരോക്ഷജ്ഞാനം അപരോക്ഷജ്ഞാനം എന്നിങ്ങനെ രണ്ടു തരത്തില്‍ ജ്ഞാനമുണ്ട്‌.
സിദ്ധാന്തപരമായ ജ്ഞാനം പരോക്ഷജ്ഞാനമാണ്‌. നീന്തലിനെ കുറിച്ചുള്ള വളരെ പ്രസിദ്ധമായ പുസ്തകങ്ങള്‍ നോക്കി വായിച്ചു പഠിച്ച്‌ എത്ര പരീക്ഷകള്‍ പാസായാലും വെള്ളത്തില്‍ ചാടിയാല്‍ പൊങ്ങി കിടക്കണം എങ്കില്‍ അതുമാത്രം പോരാ - പിന്നെയോ അനുഭവം കൂടി വേണം.
എന്നു പറഞ്ഞതുപോലെ അനുഭവം ആണ്‌ അപരോക്ഷജ്ഞാനം, അതില്ലാതെ ആത്മജ്ഞാനം ഇല്ല. അത്‌ വേണം എങ്കില്‍ മേല്‍പറഞ്ഞ കാര്യങ്ങള്‍ നിര്‍ബന്ധവും ആണ്‌.

നിജഹൃദി വികസന്തഃ സന്തി സന്തഃ കിയന്തഃ

Repetition of an old post

നാം ഈ ലോകത്തില്‍ മനുഷ്യന്റെ ജന്മം എടുത്തു വന്നത്‌ നമ്മുടെ അറിവോടെയല്ല,

പക്ഷെ ആ ജന്മം ലഭിച്ചതില്‍ നമ്മുടെ മുന്‍ ജന്മത്തിന്‌ പങ്കുണ്ട്‌.

ഈ ജന്മം കഴിഞ്ഞാല്‍ എവിടെക്കാണ്‌ പോകുന്നത്‌ എന്നും നമുക്ക്‌ നിശ്ചയമില്ല

എന്നാല്‍ അതിനെ നിയന്ത്രിക്കുവാന്‍ ഈ ജന്മത്തിലെ നമ്മുടെ പ്രവൃത്തികള്‍ക്ക്‌ കഴിവുണ്ട്‌.

അപ്പോള്‍ എവിടെ നിന്നോ വന്ന്‌ എവിടേക്കോ പോകുവാന്‍ സമയം കാത്തു കഴിയുന്ന നമ്മള്‍ അല്‍പം മധുരവാക്കുകള്‍ അന്യോന്യം പറഞ്ഞു സന്തോഷമായി കഴിയരുതോ?

മറ്റുള്ളവരെ നിന്ദിക്കുന്നത്‌ എന്തു കൊണ്ടാണെന്ന്‌ ചാണക്യന്‍ പറഞ്ഞ ഒരു ശ്ലോകം കേള്‍ക്കാം-

"ദഹ്യമാനഃ സുതീവ്രേണ നീചാഃ പരയശോഗ്നിനാ
അശക്താസ്തല്‍ പദം ഗന്തും തതോ നിന്ദാം പ്രകുര്‍വതേ"

നീചാഃ = നീചന്മാര്‍
സുതീവ്രണ = വളരെ കഠിനമായ
പരയശോഗ്നിനാ= പരന്റെ (മറ്റുള്ളവരുടെ) കീര്‍ത്തിയാകുന്ന അഗ്നിയാല്‍)
ദഹ്യമാനഃ = ജ്വലിക്കുന്നവരായി - അസൂയാലുക്കളായി

തല്‍ പദം ഗന്തും അശക്താഃ = അവരുടെ അവസ്ഥയെ പ്രാപിക്കാന്‍ കഴിവില്ലാത്തവരായി
തതഃ = അനന്തരം
നിന്ദാം പ്രകുര്‍വതേ = നിന്ദയെ ചെയ്യുന്നു.

സത്തുക്കളുടെ ലക്ഷണം പറയുന്നിടത്ത്‌ ഭര്‍തൃഹരി ചോദിക്കുന്നുണ്ട്‌

" പരഗുണപരമാണൂന്‍ പര്‍വതീകൃത്യ നിത്യം
നിജഹൃദി വികസന്തഃ സന്തി സന്തഃ കിയന്തഃ"

പരഗുണപ്രമാണൂന്‍= പരന്റെ, ഒരു പരമാണുമത്രമെങ്കിലും അളവായ ഗുണത്തെ

പര്‍വതീകൃത്യ = പര്‍വതം പോലെ വലുതാക്കി മനസ്സിലാക്കി
നിത്യം നിജ ഹൃദി വികസന്തഃ സന്തി സന്തഃ കിയന്തഃ= സ്വ്‌അന്തം ഹൃദയത്തില്‍ സന്തോഷിക്കുന്നവര്‍ എത്രയുണ്ട്‌?

മറ്റുള്ളവരിലുള്ള എത്ര ചെറുതെങ്കിലുമായ നന്മയെ കാണുവാന്‍ ശ്രമിക്കുക.

"മുഹൂര്‍ത്തമപി ജീവേച്ച നരഃ ശുക്ലേന കര്‍മ്മണാ
ന കല്‍പമപി കഷ്ടേന ലോകദ്വയവിരോധിനാ"

രണ്ടു നാഴികയേ ജീവിച്ചുള്ളു എങ്കിലും അതു നല്ല കര്‍മ്മങ്ങള്‍ ചെയ്തു ജീവിക്കുക, അല്ലാതെ ഇഹലോകത്തിലും പരലോകത്തിലും ഗുണം ചെയ്യാത്ത ദുഷ്കര്‍മങ്ങള്‍ ചെയ്ത്‌ കല്‍പങ്ങളോളം ജീവിക്കാന്‍ ശ്രമിക്കാതിരിക്കുക.

THE BASIC PRINCIPLES OF AYURVEDA

ആയുര്‍വേദത്തിനെ കുറിച്ച്‌ ഇത്രയൊക്കെ എഴുതുന്നതും , പറയുന്നതും ഒക്കെ കേട്ടിട്ട്‌, ഞാന്‍ ആയുര്‍വേദം മുഴുവന്‍ അരച്ചു കലക്കി കുടിച്ചു എന്നു ഞാന്‍ ധരിച്ചിട്ടുണ്ട്‌ എന്ന്‌ ആരും ധരിക്കല്ലേ.

ആയുര്‍വേദത്തില്‍ എന്തൊക്കെയോ സാധ്യതകള്‍ ഉണ്ട്‌ എന്നു മനസ്സിലായി. ആ സാധ്യതകള്‍ തുടര്‍ന്ന്‌ പരീക്ഷിച്ചാല്‍ ഇതിലും വലിയ സാധ്യതകള്‍ ഇനിയും തെളിയുവാന്‍ സാധ്യതകള്‍ ഉണ്ട്‌ എന്നും തോന്നുന്നതു കൊണ്ട്‌ ഇതൊക്കെ പൊതുസമക്ഷം വയ്ക്കുന്നു എന്നേ ഉള്ളു.

താല്‍പര്യമുള്ളവര്‍ക്ക്‌ വായിക്കുവാന്‍ വേടി ഞാന്‍, 90കളില്‍ മംഗലാപുരത്തു നിന്നും പ്രസിദ്ധീകരിച്ച ഒരു മാസികയില്‍ പ്രസിദ്ധീകരിച്ച ഒരു ചെറിയ ലേഖനം ഇതോടൊപ്പം കൊടുക്കുന്നു. ഈ ബ്ലോഗില്‍ തന്നെ മുമ്പ്‌ രണ്ടു പ്രാവശ്യം ഇത്‌ പബ്ലിഷ്‌ ചെയ്തിട്ടുണ്ട്‌ എന്നു തോന്നുന്നു. അന്നൊന്നും പലരും വായിച്ചിരിക്കുവാന്‍ സാധ്യതയില്ലാത്തതുകൊണ്ട്‌ ഒന്നു കൂടി.


THE BASIC PRINCIPLES OF AYURVEDA
Ayurveda is the science of life. Lord Brahma is said to have remembered it which means that Ayurveda existed even before Him or in other words the principles governing this science are eternal. Ayurveda is founded on the Thridosha theory. This theory says that the existence of a body is dependent upon the balance between the three doshas - Vatha, Pittha & Kapha. When we examine the texts of Ayurveda we can see the commentators trying to compare these with Bile, serous exudates, mucous and what not? This is because of their ignorance.

To have a thorough knowledge of Thridoshas we have to go to the Panchabhootha theory. It says that anything and everything in this universe is made up of five Bhoothas, the Akasa, Vayu, Agni, Jala and Prithvi. Here we have to bear in mind that these five are not separate elements, but are only five so-called aspects of the single Absolute Truth. The Absolute truth has no aspects or attributes, but for the phenomenal world we have to assume certain aspects, without which science cannot exist. Hence the so-called aspects. This is what is known as Maya.

Names and Forms where given to the nameless and formless Absolute i.e. the Absolute is not confined to names or forms, when you are limiting anything based on some criteria, there arise names, forms and thus Plurality. This is the Phenomenal world. There science exists which assumes the plurality to be true for the time being and through these assumptions helps the individuals to experience the Absolute World, where even these assumptions and science are false.

In this Phenomenal world we assume that matter exists. A matter is formed from its raw materials. This formed matter is called as KAARYAM and the raw materials are called as KAARANAM. In the absolute world both Kaaryam and Kaaranam are identified to be one and the same without any difference as is the case of waves, surf etc. in water. But in the phenomenal world we assume that there is difference between these two, otherwise the same name must be given to both - where the expression of science becomes impossible.

The findings of modern science have made my job very simple. They say that the particles electrons, protons etc. are not actually particles but only condensed or whirlpool form of energy. Thus in our science the universal energy in its Maya form exhibits the panchabhoothas. Akaasa is the space which gives room for the others to exist. Vayu is the driving force. Agni is the energy utilized or given out when one form of matter changes to another. Jalam is the Kaaranam from which matter is made. Prithvi is the foundation, i.e. the unit matter which possesses characteristics and properties. Asamavaayi Kaaranam also is an attribute of Prithvi. E.g. Knitting of thread gives rise to cloth. A specific arrangement of the threads gives a specific quality to the cloth. Here the mode of arrangement is the asamavayi kaaranam.

Now let us try to put all these into an e.g.: of a hydrogen atom. It has a proton nucleus and an electron revolving around it. Two such atoms fuse to give a Helium atom. In this hydrogen atom the potential energy constituting the whirlpools of proton and electron is the Upaadaana kaaranam and hence is the Jalabhootham. The whirlpool like activity which makes the proton and electron, the revolution of electron etc. is the Vayubhootham. When two hydrogen atoms fuse an amount of energy is liberated. Thus the energy used up or liberated during a change of matter is the Agnibhootham. Akasa is the empty space where this exists. Prithvi is the structure of the particles and the atom as such which gives it the characteristics and properties.

The same holds true for any unit of matter, whether it be atoms or sub-atomic particles or even mountains. Thus we see that there are three principles important in the formation and existence of matter.


1. The Upaadaana Kaaranam.
2. The Driving Force.
3. The Agni which effected the change.

These three are the Jalam, Vayu and the Agni respectively. In the Thridosha Theory, Akasa and Vayu are together called as Vatha Dosham, Agni is called Pittha Dosham and Jalam and Prithvi are together called Kapha Dosham.

In the body also this is the rule. If these three principles are working harmoniously the body will be healthy.

Now let us consider the inter-action between the environment and the body. The whole universe is made of panchabhoothas and hence whatever material we consume will increase the corresponding bhoothas in the body. How to know the general bhootha composition of a material is to study its properties. The first to be tested is the Taste. We accept six tastes.


1. Swadu (sweet - composed of Prithvi + Jalam)
2. Amla (sour - composed of Prithvi + Agni)
3. Lavana (salt - composed of Jala + Agni)
4. Thiktha (bitter - composed of Akasa + Vayu)
5. Ooshana (chilly - composed of Agni + Vayu)
6. Kashaya (?metallic composed of Prithvi + Vayu)

The tastes are produced when the material contains the said bhoothas predominantly. Of course there are certain exceptions also for this rule but these are beyond the scope of this work. Now if we consume more of pepper containing curries which are hot we experience Hiccup. This is because pepper has oosahana taste which increases the Agni and Vayu in the body abruptly. Vayu is the driving force and has initiative and hence muscle contractions start. The direction of movement is decided by the associate bhootha which in this case is Agni. Hence here it is directed upwards. This is the Hiccup.

Now what we can do to control this is also easily understood.
1. Either normalize the proportion of panchabhoothas in the body by giving more of akasa, prithvi and jalam or,
2. Direct the movement of vayu downwards which is normal for the intestinal tract (Anuloma)

Normalizing the proportion of panchabhoothas in the body can be achieved by giving materials which are rich in prithvi and jalam. As we have seen earlier such materials will be sweet in taste. This is why this type of hiccup subsides if we put some sugar into the mouth and keep it there for some time.

Anulomana of vayu is achieved by giving cold water. It antagonizes the agni and forces the vayu downwards. Hot water will only aggravate this hiccup.

Here I have shown an example which picturises the essence of the Thridosha theory.

Now coming to the body and health we know that positive health is the result of the harmonious functioning of these three.

Factors which can affect the harmony of them are many.


1. We have got this life to enjoy or suffer the outcomes of what we have done in the previous lives. So the genetic make up, family background, social background etc. will be in accordance to this "Daivam" (poorvajanma karma phalam). Purushakaaram (what we do in this lifetime) has got a nullifying or boosting effect on Daivam as the case may be. Hence Think, Tell out and Do only Dharma.
2. Food Habits. Eat only as much as is needed for the body. Don't go behind taste. Fill the stomach only half with food. Eat raw vegetables, fruits, nuts, leaves, sprouted grains, tubers. Nature gives the right crop at the right time e.g. Mangoes and Watermelon in Summer. Don't believe in people who advise in T.V. to throw away oranges and drink only their products. Believe in Mother nature. Cutting, washing, cooking etc. destroys the nutrients as in the e.g. of Vit. C, B complex etc.. Unscientific mixture of various food materials may prove harmful e.g. milk + fruit which Ayurveda calls "Viruddham". Don't take non-vegetarian diet if possible. It will spoil your mind also. Your thinking will become carnivorous and you will not have mental peace.
3. Working of the eleven Indriyas should be regulated. Athiyoga, Heenayoga and Midhya yoga are the three abnormal ways, to be avoided. E.g. for the eyes Athiyoga - Looking constantly at minute objects. Heenayoga - Not using the eye at all. Midhya yoga - Looking at the Sun, Welding flam etc. Similarly for the other organs also.
4. Our body knows what to do and when. There are fourteen 'Vegas' which are physical like sleep, urge to urine, stools etc. We have to be watchful about these. Obey them. Mental 'vegas' viz., jealousy etc. are harmful commands of the mind which are to be neglected and kept under control.
5. Do moderate exercise regularly.
6. Keep the company of old and knowledgeable people.

In a nutshell if we can follow these rules, positive health is within our reach.

തവള പറന്നു കഴിഞ്ഞാല്‍ പറയണേ

സ്രോതസ്സിനെ കുറിച്ച്‌ എഴുതിയത്‌ എന്നിട്ടും സൂരജിന്‌ അങ്ങോട്ടു മനസ്സിലായില്ല എന്നു തോന്നുന്നു.

പ്രിയ സൂരജ്‌ we have to learn to unlearn to learn മുമ്പ്‌ മനസ്സിലാക്കിയിരിക്കുന്ന ചിലതൊക്കെ തല്‍ക്കാലത്തേക്‌ ഒന്നങ്ങു മാറ്റി വയ്ക്കുക.

സ്രോതസ്സിനെ കുറിച്ചു പറഞ്ഞതില്‍ ആ ഒഴുക്ക്‌ അണുക്കളില്‍ വച്ച്‌ അണുവായതിനെ നോക്കിയാല്‍ അതിനും, മഹത്തുക്കളില്‍ വച്ച്‌ മഹത്തായതിനെ നോക്കിയാല്‍ അതിനും എല്ലാം ഒരേ പോലെ.

അതായത്‌ ആധുനികര്‍ പറയുന്ന sub-atomic particle എടുത്തുകൊള്ളൂ- അതിനും നിമിഷം പ്രതി പരിണാമം സംഭവിച്ചുകൊണ്ടിരിക്കുന്നു. അത്‌ അതിന്റെ ഒറ്റയ്ക്കുള്ള കാര്യം, അതുകൂടി ഉള്‍പ്പെട്ട അതിലും സ്വല്‍പം വലിയ ഒരു വസ്തു ആണെങ്കില്‍ അതിലെ ഘടകങ്ങളുടെ collective ആയ പരിണാമം മൂലം ആ വലിയ വസ്തുവിന്‌ അതിന്റെ പരിണാമം -- എന്നിങ്ങനെ ഏറ്റവും വലുതായ വസ്തുവിന്‌ വരെ ഇതേപോലെ അനുനിമിഷം പരിണാമം ഉണ്ടാകുന്നു .

(ഇങ്ങനെ ഒരു പരിണാമം ഇല്ലാത്ത ഒരേ ഒരു വസ്തു 'പരബ്രഹ്മം' മാത്രം എന്നു കൂടി പറയുന്നുണ്ട്‌ കേട്ടോ.)

ആഹാരരസത്തില്‍ നിന്നും ആണ്‌ രക്തം ഉണ്ടാകുന്നത്‌ എന്നു താങ്കള്‍ മുമ്പു തന്നെ ഒരു ആക്ഷേപം പോലെ ഉദ്ധരിച്ച ഭാഗം ഓര്‍ക്കുക.രക്തവും ഇതുപോലെ അനു നിമിഷം ഉണ്ടാകുകയും, നിലനില്‍ക്കുകയും, നശിക്കുകയും ചെയ്യുന്നുണ്ട്‌- അല്ലാതെ ഒരു തവണ ഉണ്ടായത്‌ അതേ പോലെ നിലനില്‍ക്കുകയല്ല.

( ഇവിടെ ഒന്നു കൂടി പറഞ്ഞു കൊള്ളട്ടെ ബ്രഹ്മാവ്‌ വിഷ്ണൂ ശിവന്‍ എന്ന ത്രിമൂര്‍ത്തി സങ്കല്‍പവും ഇതു തന്നെ ആണ്‌ വിഷ്ണു എന്ന സ്ഥിതികാരകന്‌ കൂടുതല്‍ പ്രാമുഖ്യം കൊടുക്കുവാനും കാര്‍നം ഇതു തന്നെ)

ആഹാരരസത്തില്‍നിന്നും വേണ്ട ഭാവങ്ങള്‍ എടുത്ത്‌ അതിനെ രക്തമാക്കുന്നു, നിശ്ചിതകാലാവധി കഴിഞ്ഞാല്‍ അവയെ പുറംതള്ളുന്നു. ഉദാഹരണത്തിന്‌ രക്തത്തിലെ ചുവന്ന കോശങ്ങള്‍ 120 ദിവസം ജീവിക്കും എന്നും അതിനു ശേഷം അവ നശിപ്പിക്കപ്പെടുന്നു എന്നും ആധുനിക ശാസ്ത്രം- അതിലുള്ള haem moiety വിഘടിപ്പിച്ച്‌ അതിലുള്ള ഇരുമ്പിന്റെ അംശം സൂക്ഷിച്ചു വയ്ക്കുകയും ബാക്കിയുള്ളത്‌ bilirubin ആയി മാറ്റുന്നതും എല്ലാം bio-chemistry യില്‍ വിശദമായി പഠിച്ചില്ലെ? ഞങ്ങള്‍ പഠിച്ച കാലത്ത്‌ ഇതൊക്കെ നടത്തിയിരുന്നത്‌ കരള്‍ ആയിരുന്നു. ഇവയിലെ രക്താണുക്കളെ നശിപ്പിക്കുന്നത്‌ പ്ലീഹയിലാണ്‌ എന്നാണ്‌ പഠിച്ചത്‌ എന്നാണ്‌ എന്റെ ഓര്‍മ്മ പത്തുമുപ്പതുകൊല്ലം മുമ്പു പഠിച്ചതാണേ, ഇനി വേറെ വല്ലയിടത്തും നിങ്ങള്‍ ആക്കിയോ എന്നറിയില്ല)

രക്തത്തിനെ സംബന്ധിച്ചിടത്തോളം അതിന്റെ ഉല്‍പാദനം, നിലനില്‍പ്‌ , നാശം എന്ന ഈ മൂന്നവസ്ഥകളും ചേര്‍ന്നതാണ്‌ അതിന്റെ സ്രോതസ്സ്‌. ഇതിന്റെ മൂലം കരളും പ്ലീഹയും ആണെന്നു പറഞ്ഞത്‌ വലിയ അസംബന്ധങ്ങളൂടെ ഘോഷയാത്ര അല്ലേ.

തവള പറന്നു കഴിഞ്ഞാല്‍ പറയണേ