ദൂരസ്ഥോപി ന ദൂരസ്ഥോ യോ യസ്യ മനസി സ്ഥിതഃ
യോ യസ്യ ഹൃദയേ നാസ്തി സമീപസ്തോപി ദൂരഗഃ
ദൂരസ്ഥഃ അപി = ദൂരത്തിരിക്കുനവനായാലും
ന ദൂരസ്ഥഃ = ദൂരത്തല്ല
യഃ യസ്യ = ആര്‌ ആരുടെ
മനസി സ്ഥിതഃ = മനസ്സില്‍ ഉണ്ടോ അവന്‍
യഃ യസ്യ ഹൃദയേ നാസ്തി = ആര്‌ ആരുടെ മനസില്‍ ഇല്ലയോ അവന്‍
സമീപസ്ഥഃ അപി ദൂരഗഃ = സമീപത്തിരിക്കുന്നവനാണെങ്കിലും വളരെ ദൂരത്തു തന്നെയാണ്‌.
ആളുകള്‍ അടുത്തോ ദൂരത്തോ താമസിക്കുന്നു എന്നതല്ല ബന്ധങ്ങളുടെ തീവ്രത ഉണ്ടാക്കുന്നത്‌. അത്‌ ഹൃദയബന്ധങ്ങളാണ്‌.
യസ്മാച്ച പ്രിയമിഛേത്തു തസ്യ ബ്രൂയാത്‌ സദാ പ്രിയം
വ്യാധോ മൃഗം വധം കര്‍ത്തും ഗീതം ഗായതി സുന്ദരം
യസ്മാത്‌ ച = ആരില്‍ നിന്നും
പ്രിയം ഇഛേത്‌ തു = പ്രിയം ലഭിക്കണമോ
തസ്യ ബ്രൂയാത്‌ സദാ പ്രിയം = അവനോട്‌ എപ്പോഴും അവനിഷ്ടമുള്ള കാര്യങ്ങള്‍ പറയുക
വ്യാധഃ = വേടന്‍
മൃഗം വധം കര്‍ത്തും = മൃഗങ്ങളേ കൊല്ലാന്‍ വേണ്ടി
ഗീതം ഗായതി സുന്ദരം = സുന്ദരമായ ഗാനങ്ങള്‍ ആലപിച്ചു അവയെ വശത്താക്കുനതു പോലെ.
കാര്യസാധ്യത്തിനു വേണ്ടി പുകഴ്ത്തി സംസാരിക്കുന്ന വിഷയമാണ്‌ പറയുന്നത്‌
ഇതിന്റെ മറു വശമാണ്‌ 'സ്പഷ്ടവക്താ ന വഞ്ചകഃ" എന്ന ശ്ലൊകഭാഗം കൊണ്ട്‌ വേറൊരിടത്ത്‌ പറയുന്നത്‌- അതായത്‌ തുറന്നു പറയുന്നവന്‍ വഞ്ചകനല്ല അവനെയാണ്‌ വിശ്വസിക്കേണ്ടത്‌ എന്ന്‌.
പക്ഷേ ബ്ലോഗില്‍ തുറന്നു പറയുവാന്‍ സൂക്ഷിക്കണേ
അത്യാസന്നാഃ വിനാശായ ദൂരസ്ഥാഃ ന ഫലപ്രദാഃ
സേവ്യതാം മദ്ധ്യഭാവേന രാജാവഹ്നിഗുരുസ്ത്രിയഃ
അത്യാസന്നാഃ വിനാശായ = അധികം അടുത്തിരുന്നാല്‍ അപകടമാണ്‌
ദൂരസ്ഥാഃ ന ഫലപ്രദാഃ = ദൂരത്തിരുന്നാല്‍ ഗുണമില്ലാ താനും
സേവ്യതാം മദ്ധ്യഭാവേന = അതുകൊണ്ട്‌ ഒരു മദ്ധ്യഭാവത്തില്‍ അടുത്തുമല്ല എന്നാല്‍ ദൂരത്തുമല്ല എന്ന മട്ടില്‍ വേണം ഇവരെ ഒക്കെ സേവിക്കുവാന്‍
രാജാവഹ്നിഗുരുസ്ത്രിയഃ= രാജാവ്‌, അഗ്നി, ഗുരു സ്ത്രീ ഇവരെ
അഗ്നിരാപഃ സ്ത്രിയോ മൂര്‍ഖഃ സര്‍പോ രാജകുലാനി ച
നിത്യം യത്നേന സേവ്യഅനി സദ്യപ്രാണഹരാണി ഷഡ്‌
അഗ്നി ആപഃ സ്ത്രിയഃ മൂര്‍ഖഃ സര്‍പഃ രാജകുലാനി ച = അഗ്നി ജലം, സ്ത്രീ, വിഡ്ഢി,സര്‍പ്പം, രാജകുലം ഇവയേ
നിത്യം യത്നേന സേവ്യാനി = വളരെ സൂക്ഷിച്ച്‌ വേബ്ബ്ണം കൈകാര്യം ചെയ്യാന്‍ - കാരണം
സദ്യപ്രാണഹരാണി ഷഡ്‌ = ഈ ആറെണ്ണം പെട്ടെന്നു തന്നെ പ്രാണനാശം വരുത്തുവാന്‍ കഴിവുള്ളവയാണ്‌
പ്രസ്താവസദൃശം വാക്യം പ്രഭാവൈഃ സദൃശം പ്രിയം
ആത്മശക്തിസമം കോപം യോ ജാനാതി സ പണ്ഡിതഃ
പ്രസ്താവസദൃശം വാക്യം = പുറന്മേ പറയുവാന്‍ യോഗ്യമായ വാക്ക്‌
പ്രഭാവൈഃ സദൃശം പ്രിയം = അവനവന്റെ നിലയ്ക്കും വിലയ്ക്കും ഒത്ത പ്രവൃത്തി
ആത്മശക്തിസമം കോപം = അവനവന്റെ ശക്തിക്കനുസരിച്ച്‌ പ്രകടിപ്പിക്കാവുന്ന കോപം
യഃ ജാനാതി = (ഇവയൊക്കെ) ആര്‌ അറിയുന്നുവോ
സ പണ്ഡിതഃ = അവന്‍ ബുദ്ധിമാനാണ്‌
ഏക ഏവ പദാര്‍ഥസ്തു ത്രിധാ ഭവത്‌ വീക്ഷിതഃ
കുണപം കാമിനീ മാംസം യോഗിഭിഃ കാമിഭിഃ ശ്വഭിഃ
ഒരേ ഒരു വസ്തുവിനെ തന്നെ യോഗികളും , കാമികളും നായ്ക്കളും മൃതവസ്തുവായും , കാമിനിയായും മാംസമായും കാണുന്നു
തുടരും
Subscribe to:
Post Comments (Atom)
ദൂരസ്ഥോപി ന ദൂരസ്ഥോ യോ യസ്യ മനസി സ്ഥിതഃ
ReplyDelete